هلا اختي

اهم شئ يكون فيه حارسات امن وحراس خارجيين
لأن بهالوقت كثر الخطف وعشان ماتصيين في موقف محرج مع الهيئه او البلديه
والافضل يكون في شرق الرياض لأن شمال الرياض فيه مستشفيات كثيره وفيها نوادي
اما شرق الرياض الروابي - الربوه - السلام - الروضه <<<<<<<<كثير اعرفهم يبون مراكز رياضه بس مايحصلون الا في الشمال فيجلسون ببيتهم مايبون البعد
والأفضل توفرين خدمه باص للنقل لأن مافيه نوادي توفر هالشئ وهذا مهم بالاخص اللي ماعندها سواق او زوجها مو فاضي ....الخ
والاهم مايكون بسعر غالي حاولي تكون الاسعار اقل من الشمال بشوي عشان يجونك اهل الشمال والشرق
اعتقد الامير سلمان بـ1500 لمده سنه ..
والحضانه حطي فيها بنات سعوديات مو ارتيريات او فلبينيات عشان ماتبتلشين بمشاكلهم
وحطي الحضانه على شكل اركان مثل الروضات ..
ومثل ماقالت الاخت يكون فيه اوراق وملفات لكل طفل يدخل عمره اسمه كامل صوره لبطاقه العائله اسم الام ارقام اتصال في الام والاب الامراض اللي يعاني منها ,,,,
حطي ورقه مع الام وفيه معلومات وتوقيع المركز بوجود الطفل عندهم في ساعات محدهه عشان الام تطمن ان طفلها حاطته بامان مايطلع او شئ وعشان مو اي وحده تجي وتقول هذا وولد ويسلمونها لها لا لازم وورقه محدده تعطى للأم ولو ضاعت لازم بطاقه العائله ..
بالنسبه لمشروع الحضانه اللي يصير في السوق فمن ملاحظتي انه مشروع فاشل كل مااروح لرويال ماالاقى فيه احد قليل من يدخله من الاطفال
يمكن لأن الأم ماتأمن انها تحط الولد لأن العاملات مو سعوديات اعتقد ارتيريات او مدري
فانا كاام مااضمن احط ولدي مع وحده مااضمنها ولا فيه اوراق تثبت ان الولد عندهم ,,, يعني مسؤووليه ..
كلامي كثير بس حبيت انقلك الاشياء المهمه والل تطمن الام انها تحط ولدها في الحضانه وتصير مرتاحه ..
والافضل الحضانه ماتكون مفتوحه الا للي يجون للنادي عشان ماتصير حوسه وعشان لو صار شئ للولد تكون الام موجوده وممكن انه يروحون لها ..
اتمنى اكون افدتك ..
وياليت يكون فيه مسبح وحمام ساونا ومغربي ..والكوفي يكون كل اللي فيه للرجيم ولا يكون بدبل الاسعار مثل اللي نشوفه في المراكز النسائيه واللي تنفر الناس من دخولها لأن اعتبر هالشئ استغلال
بعض الاسواق النسائيه اذا دخلتي لقيتي الاسواره بــ 300 وبرا 20 والعصير تلقينه بــ 20 وبرا 10 الكيك مثلا بــ 20 وبرا 10 والدونات بـ10 وبرا بــ 3 مع انها من نفس المحل .. بس استغلال لأن الحرمه مامعها سياره توديها للمحل اللي تبيه فهالشئ اعتقد ينفر الناس من دخول هالاسواق ..
غير كذا الجوال الكاميرا لأن فيه ناس استغفر الله يحبون يشوهون المكان المشهور ..

يووووووووه طولت
يالله ان شاء الله تستفيدين ..
وبالتوفيق يارب
14-05-1428 هـ, 01:09 صباحاً
 
بعد اذنك حبيبتي بس بغيت اسأل

صحيح نسيت اسأل اذا تعرفون نادي حلو فيه مسبح ومدربه تعلم السباحه ويكون مسبحهم نظيف والمدربه نشيطه مو اي كلام ..
يكون في الرياض وسعره حلو ؟؟
الله يوفق اللي بتقولي وان شاء الله يارب يحقق لها اللي تبيه وتتمناه
14-05-1428 هـ, 01:12 صباحاً
 
ماقريت ردود البنات .. بس اقترح عليك في البدايه سوي مركز صيفي في احد المدارس الكبيره
جيبي احد يدرس قران و لغه انجليزيه ومعلمات رياض اطفال (حتى لو من طالبات الجامعه قسم رياض اطفال) وطبعا شي ترفيهي نطيطات ومثلا حطوا شوي تراب او سياكل ومن هذا القبيل .. ويصير فقط لرياض الاطفال بالصيف .. خليها فترتين مثلا من 9 الى 2 وفتره من 4 الى 9 وخلي الاسعار مناسبه وغير كذا خلي سعر يومي يعني الي عندها طلعه العصر وودها تصرف عيالها تجيبهم عندك ذاك اليوم بسعر معين (يا سعر للساعه او سعر باليوم) يعني مايكون الطفل مرتبط معكم بس كل ماطفش يجي بسعر يومي..وترى فيه بنات جامعه كثيييييير يبون يشتغلون بالصيف فرصه استغليهم يصير عندهم طاقات وافكار جديده..
بالتووووووووفيق
14-05-1428 هـ, 03:15 صباحاً
 
دموع جرحى تسلمين يالغلا ...فكرة الباص رووعه وخصوصا لمى تكون بسعر رمزي في البدايه... وبالنسبه لشرق الرياض فكرت كثير اني احطه بشرق الرياض لان انا من شسكان الروضه وحاسه بالنقص لان بصراحه النوادي الي هناك قليله او شبه معدومه وصغيره جدا وسيئه...


بالنسبه للنادي سباحه انا من تجربتي الشخصيه اشوف نادي المناهل افضل شي بالنسبه للمسابح بس مشكلته بعيد...واذا حصلك نادي الظباط مرررررره حلوووو...


انهار الفكره مره حلوه ومعاك حق في بنات كثير يبون يشتغلون اشوف البنات الي في مزايا....ربنا يوفق الجميع .,,.
14-05-1428 هـ, 11:07 صباحاً
 
حبيبتي cuet-cat
ياليت تقولين لي وش الشروط اللازمة لفتح النادي لاني مفكرة افتح نادي نسائي ،ولما سألت قالو ممنوع وما فية تصريح بهذا الشي؟؟؟؟
وشكرا
17-07-1428 هـ, 04:59 صباحاً
 


الساعة الآن 11:50 .