Analysis Services








السلام عليكم اخواتي الكريمات

موضوعي عنوانه خواطر و نبضات قلم مع القران الكريم

فكرت اكتب الموضوع في القسم العام او الفتاه المسلمه بس شعرت انه انسب مكان هو قسم المغتربات لان مغتربه و اعرف ان الغربه بتقرب من الكريم و بتعرفنا اننا لا حول لينا و لا قوه الا بايمانا و اقترابنا من الله و سبب اخر هو اني كنت مغتربه ......عن القران الكريم

نعم الغربه مش بس غربه جسديه ممكن تكون اوي غربه نفسيه و قلبيه

كلنا بنفتح المصحف و نقرا و كلنا بنختمه و نتسابق علي عدد مرات ختمه خصوصا في رمضان او غير رمضان

بس كم منا بيقراء القران بتدبر معانيه

كم منا بيحس انه بيقراء القران علي حضره النبي عليه الصلاه و السلام

انا غربتي كانت من النوع ده و اول خاطره ايمانيه باكتبها النهارده عن الايه الكريمه

(أحسب الناس أن يتركوا أن يقولوا آمنا وهم لا يفتنون )...

يا الله.....الايه دي قريتها كتييييير و عمري ما حسيت بمعناها الا بعد يناير 2007

انتقلت امي الي رحمه الله تعالي ......

و انا كنت بدات رحله التزامي و لله الحمد و المنه من بدايه فتره اغترابي يعني من حوالي سنتين

لكن كانت دايما في سؤال بيجول في عقلي :انا التزمت اكتر من الاول بكتيييير و في نواحي عديده منها اللبس الاسلامي الصحيح و قراه القران و السنه و و و

ليه مش حاسه بلذه و حلاوه الايمان في قلبي؟؟؟؟؟
سؤال كان ليه تاثير قاتل علي نفسي

كنت خايفه جداا اكون من المنافقين و ادعي ادعي ادعي ربي انه يرحمني من الاحساس ده و يقربني ليه و يعرفني ايه الطريق اللي ناقصني علشان اقرب اكتر

ينااااااااااااااااااااير 2007
توفت امي الحبيبه و انا باعترف انها اكبر صدمه اتعرضت ليها في حياتي

و افقدتني توازني لشهور

و للاسف كادت ان تفقدني التزامي و تفتني في ديني

كان كل الكلام اللي قريته و اتعملته في فتره التزامي عن الصبر علي الابتلاء و المصايب كانه لم يكن

تعبت كتييير و للاسف للاسف عاتبت ربي

استغفر الله

(أحسب الناس أن يتركوا أن يقولوا آمنا وهم لا يفتنون )...

اول مره احس بمعني الايه دي

انا قلت يارب انا امنت
انا قلت يارب انا التزمت

بس محصليش اي اختبار علشان اثبت جدارتي بالايمان ده

علشان استحق حلاوه الايمان و القرب من الله
في اول اختبار حقيقي من ربنا ضعفت

لكن....

و الله يا اخوات ربنا رحيييييييييييييييم رحيييييييييم بعباده

و انا في نفس وقت عتابي علي ربي لقيت حاجات كتير بتطبطب عليا
اول مره احسان الحضن الدافي ممكن ميكونش من البشر

و انه هيكون احلي حضن و احن طبطبه

كان كل اهلي و جوزي و اولادي حولي و كلهم بيحاولوا يخرجوني من حاله الحزن و الافتقاد الرهيبه لكن سبحان الله

قبل وفاه امي كانوا فعلا نعم المعين

بعد وفاه امي لقيت المعين
الله جل جلاله

طبطبه كانت في صوره شيخ يقول (اوعي تعاتب ربنا) و اسمعها بالصدفه

طبطبه كانت في صوره امي التي لم تفارقني في احلامي الي الان

طبطبه كانت في نعمه الاحساس بمعاني القران الكريم و تدبره و تذوق حلاوه الكلام

(أحسب الناس أن يتركوا أن يقولوا آمنا وهم لا يفتنون )...

يارب انا بادعيلك و كلي امل و رجاء اني مكونش و لا اكون ابدا من الذين فتنوا في دينهم
--------------------------------------------------

اخواتي الكريمات لي عوده ان شاء الله مع خاطره قرانيه اخري
ارجو ان اكون ضيفه خفيفه عليكم يعلم الله اني كتبت من قلبي
15-04-1428 هـ, 04:42 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
كلام صدر من القلب , فدخل القلب

يارك الله فيك أختي رانيا وأغدق عليه نعمه ظاهرة وباطنه , وجعلك تتقلبين في النعم طول الحياة بإذنه تعالى ...
15-04-1428 هـ, 05:06 صباحاً
 
كلام جميل اختى فعلا يدخل القلب
بانتظارك الله يجزيكى كل خير
15-04-1428 هـ, 05:23 صباحاً
 
كلام رائع ياأختي وجزاكي الله خير على هذا الكلام الجميل استمري في هذا الكلام فنحن بأشد الحاجه له بارك الله فيك ووفقك
15-04-1428 هـ, 05:40 صباحاً
 
شااام
جازاكي الله خيرا اسعدتيني جداااا
يعلم الله اني احبك فيه و اني ما كتبت الا للافاده
افاده اخواتي اولا
و افاده نفسي لاني اعاني من الاكتئاب و ارجو من الله عز و جل ان يساعدني علي الخروج منه
جازاكي الله خيرا مره اخري


اخواتي الكريمات جازاكم الله خيرا علي المرور و التشجيع
15-04-1428 هـ, 05:55 صباحاً
 


الساعة الآن 07:52 .