الازانيا

معقولة تطنشوني كده اين انت يا نورما اعتقد انك عارفاها يا ريت تردي بسرعة احسن هازعل منكم:06: :06:

السلام عليكم و رحمة الله و بركاته

يا خبر أبيض يا حبيبتي , أنا أقدر أطنشك برضه دا أنت تأمريني أمر , بس و الله ما شفتش الموضوع اللا دلوقتي .
من عيوني حبيبتي بس اللازانيا بتاعتي هي اللازانيا التقليدية جدا بس ان شاء الله هتعجبك جدا جدا.
ياللا يا ستس خدي عندك:

المقادير
ــــــــــــــــــــ
- 1 علبة لازانيا .
- 1\2 كيلو لحم مفروم.
- 2 بصلة متوسطة مفرومة.
- 1\2 كيلو أو 400 جم( مش هتفرق) مشروم .
- 3 طماطم مقطعة مكعبات صغيرة.
- 1 علبة صلصة صغيرة.
- باشاميل و تكون خفيفة شوية ثم تضيفي اليها 1 علبة شيدر مبشورة و تحطيها على النار حتى تسيح الجبنة.

الطريقة
ــــــــــــــــــ
- تسلق اللازانيا في ماء مغلي و مضاف اليه زيت (كثري شوية) و ملح و خدي بالك بلاش تسلقيها كويس يادوب
تتثني في الميه.
- شوحي البصل بملعقتين زيت لحد ما يصفر ثم أضيفي اللحم و قلبي لمدة 5 دقائق ثم يضاف المشروم المقطع و قلبي.
- يضاف القليل من الماء حتى ينضج اللحم ثم تضاف الطماطم و الصلصة و الملح و الفلفل الأسود و الكمون و
البهارات و اتركيه يغلي لمدة 3 ق.
- هاتي صينية بايركس و ادهنيها بالزبدة.
- توضع 3 م.ك. باشاميل ثم ترص اللازانيا في الصينية (حوالي 3-4 شرائح حسب حجم الصينية) .
- يوزع جزء من اللحم ثم رصي طبقة أخري من اللازانيا.
- يصب جزء من الباشاميل ثم شرائح اللازانيا ثم لحم ثم اللازانيا و بكده بتكون اللازانيا كلها خلصت.
- صبي بقية الباشاميل و طبعا دي بتكون كثيرة لحد ما تغطي الوجه تماما .
- يرش الوجه بجبنة شيدر مبشورة أو مونزريلا مبشورة و تدخل الفر 170 درجة مئوية لحد ما يحمر الوجه.
- اتركيها تهدأ قبل تقطيعها حتى تكون القطع متماسكة و ألف هنا و شفا يا أحلى بنت في مصر .
ياريت لما تجربيها تقولي لي طلعت حلوة و اللا لأ.

السلام عليكم و رحمة الله و بركاته

أسفة حبيبتي نسيت أنبهك لسلق اللازانيا, اذا صفيتي اللازانيا و تركتيها مدة سوف تلتصق ببعضها علشان كده بعد ما تصفيها و تغسليها بالماء ابقي رصيها جنب بعضها على أكياس بلاستيك بتاعت السندويتشات أو أي كيس بلاستيك. حتى لا تلتصق.