ولدي 5شهور ونص مايبي غير الحليب لا عصير ولا سيرلاك والكل يقول لي حرام عليك وش اسوي؟؟

أكليه خضار مسلوقه ومطحونه - سليق (بس بموية وحليب بدون مرق دجاج لانه لسى صغير) - رز مصري وتفاح مهروس - وعطيه اياه بالتدريج يعني اول مرة خليه يذوقه بس،، يعني اقل من ملعقة صغيرة واليوم الثاني ملعقة وشوي شوي راح تلاقينه تعود وصار ياكل ..

بس اهم شي التدريييييييييج ..

عادي الاطفال أول ما يبدون يأكلون ما يتقبلون أي طعم غير الحليب لكن اصبري وحاولي معاه وبيتقبل ان شالله ..

مرحبا عزيزتي ..
أنا عانيت مع بنتي معاناة مش طبيعية في الأكل .. كان ترفض كل شي أعطيها إياه .. ترجع كل شي من أو لقمة .. كنت أقعد أبكي .. أقول بنتي مش راح تاكل .. تمت لين عمر السنة وهي ترجع الأكل .. لأنها ما تتقبل أي شي .. الزبادي تميت أسبوع كامل أحاول اعودها على طعمه .. احط شوي على صبعي واذوقها .. وكل شي تسوينه له ذوقيه أول لا تعطينه ملعقه مرة وحده
عزيزتي .. لا تياسين حاولي ..
الأشياء اللي تقدرين تعطين ولدك هي :
الشهر الخامس والسادس
- ملعقعة رز + قطعة صغيرة كوسة + قطعة صغيرة جزر مطبوخة جيداً ثم تطحن في الخلاط لمدة ثلاث أيام وتزيدين الكمية بشكل تدريجي
- زبادي ساده
- سريلاك
الشهر السابع :
شعيرية محمرة على النار بدون زيت (طبعا) + كوسة + جزر مطحونة في الخلاط
- زبادي بالفواكة ( دانينو بالفراولة _ بالموز - بالمشش ) أول مرة عطية كمية بسيطة بعدين عادي على حسب الشهية
- سريلاك بالعسل وغيرها
الشهر الثامن :
- دخلي له الدجاج مع الرز أو الشعيرية والخضار
- جبنة كيري
- فواكة مشكلة ( ربع تفاحة - ربع موزه - قطعة صغيرة مانجو - شوي عصير برتقال ) أكليه بالملعقه
الشهر التاسع والعاشر :
- شوربة شوفان مع الدجاج
- ماذكر سابقاً
الحادي عشر - سنة
تقدريت تعطينة من اكل البيت
أندومي
شوربة توم أند جيري ( كنور )
حاولي تعودينه شوي شوي على الأكل غير المطحون ابتداء من الشهر التاسع ولاتزعلين إذا ما تعلم بسرعة مسيرة بيتعلم ..
الله يخليه لج وتشوفينه معرس
وأي شي .. أنا حاضرة

الغاليه لا تيئسين لانه الطفل بطبعهم عنيدين .. و حاولي اشوي اشوي .. أنا كنت نفس الشي أتعب وأعصب و أصرخ بولدي ومرات أحس اني بضربه لأنه يطلع الاكل على طووول ...

لكن كنت أتمالك أعصابي في النهايه وأخليه اشوي وأرجع له والحمدالله بعدها تعود على الاكل ولين أحين عمره سنه وشهر الله يحفظه وبعده يعاند مرات .. يعني ياكل ثلاث لقمات والباجي بالحيله ..

بس حاولي تنوعين بالاكل كثر ما تقدرين لانه الطفل مرات يتقبل اشياء واشياء لا ..

اصبري عليها شوي يعني لما تكمل الشهر السادس أو السابع..
ولا يهمك كلام الناس ..
أنا كذا سويت مع بناتي ..