اخواتي..............
والله اننا احببنا المنتدى لانه صار لنا فيه اخوات نستشيرهن دائما .....

وهن خير الاخوات حتى في اوقات الزنكه نستفيد منهن..........

ودائما يعطننا الافكار الحلوه.........
.
وانا اليوم ابغى منكن ياحبيباتي افكار حلوة للضيوف بمعنى انا عندي ضيوف راح يجون وقت العصر والعصر الان طويل ومايكفي الشاي والقهوه .........

اولا انا راح اقدم العصير وراح اختار سعودي ماشن ............وش رايكن
بعد كذا اقدم القهوه مع التمر وحلى بس ماني عارفة وش اقدم حلى
وبعد كذا ودي اقدم مع الشاي اشياء غير المعتاد غيرالفطائر والكييك

باختصار شيد اريد اشياء غريبه ساعدوني وجزاكم الله خير
29-02-1424 هـ, 04:14 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا اختي

عندي طريقة حلى قهوه حلو و كشخه شكله في التقديم

العجينه : كاسين طحين – 6 جبنة كيري – اصبعين زبده و ترتاح ربع ساعه
الحشوه: ثلاث بيضات – ثلاث ارباع كاس سكر بني – ربع كاس سكر – 3 م ك دارسين تخلط في الخلاط

توضع العجينه في المواعين ثم توضع كرات من التمر في وسط القوالب ثم يصب الخليط عليهم و يوضع لوز مبشور على الوجه و ترش بسكر ناعم بعد ان تخرج من الفرن و بعين تنحط في ورق

بالنسبه للمواعين تعرفين مواعين السينمون رول الحجم الصغير

لا تعبين القوالب بالحشوه كثير لأنها راح تنتفخ خلي ثلثينها حشوه عشان يطلع شكلها حلو عموما انتي راقبيها في الفرن و اذا حسيتي انها بدت تنتفخ اكثر من اللازم سوي الوجه بسينه

وقفي عليها لأنها ما تطول في الفرن عشر دقايق الى ربع ساعه
29-02-1424 هـ, 06:53 مساءً
 
نسيت لا اقول لك

ليش ما تخلين تقديم المعجنات مع الشاي

و بعد المعجنات قدمي الكيك و يكون صنفين شيز كيك و كيك شوكولاته مثلا

بالنسبه لتقديم الشاهي فيه صنف حلو

تجيبين الخبز العربي الصغير و تحشيه بحشوة فلافل مع طحينه ( الفلافل مفتته ) و تقصين الرغيف بالنص عشان يصير صغير و تغمسيه ببيض و بقسماط و تقلينه

سوي كفته بطاطس او خضار بحجم صغير و تكون طريقه انتي تحبينها

سبرنغ رول تكون حشوته بصل مقطع طوالي مع دجاج مسلوق و اوراق كرنب مقطعه طوالي تحمسنهم و تحشين فيهم و طعمه روووعه
بس فيه حجم سبرنغ رول من ماركة الكرامه يكون صغير هذا اللي تستخدمينه مش العادي

هذا اللي في بالي الحين وان شالله تطلع عزيمتك محصلتش

اذا بغيتي استفسار انا في الخدمه
29-02-1424 هـ, 07:00 مساءً
 
حبيبتى الأخت النائمة ذكرتينى بسندريلا و الأقزام السبعة ،،،،، انا كتبت الأسبوع السابق منيو الأسبوع للمنتدى و بصراحة حاولت اضع فيه اشياء غريبة و بسيطة فجربى الأشياء و خبرينى ،،، ايضا انا سالت بعض الخوات عن كيفية تقديم الحلو فى العزايم و بصراحة البنات ما قصروا و ضحولى وايد اشياء يمكن تستفيدين منه للعزيمة
01-03-1424 هـ, 08:04 صباحاً
 
ام سارة جزاك الله خيرا راح اجرب قبل العزيمه الطرق الي كتبتيها



قمر تاج الله يعطيك العافيه راح ارجع لموضوعك وجزاك الله خيرا
01-03-1424 هـ, 07:29 مساءً
 


الساعة الآن 03:15 .