تعالو شوفو ايش سويت.........

سلام بنوتات وحريمات ........كترو البنات بيننا
كيف احوالكم وماهي اخباركم ......

اتذكرت اهبل موقف سويته في حياتي .....وقلت اجي اقولكم عليه عشان تشوفو الطفاقة اشكال والوان....

قبل تلات سنين ....حملت في ولدي التالت ....ولما اتأكدت اني حامل كنت في اخر الشهر التاني

يعني الحمد لله بقي بس سبعة شهور على الولادة ......طبعا ماقلت لاحد ...بعد كم اسبوع بدأ

الخبر ينتشر هنا في امريكا وهناك في السعودية محد عارف شي ....لما وصلت الخامس كان

معظم الناس حولي هنا عرفو

نجي للعالم هناك ....ماقلت لاحد وكل شوية اخوات زوجي يسألو يقولو حاسين انه في شي جديد

وانا الف وادور واحاول اداري على الموضوع ....

وجيت اخر يوم في الحمل وكلمت اخت زوجي اخدت منها كلمات نشيد عشان عندنا حفلة وابغى

انشد فيها......طبعا كل شي عادي.....

وهداك اليوم كان عندي موعد واروح الموعد بعد المكالمة على طول وعلى بالي اني رايحة

العزيمة في الليل......والا الدكتورة وجهها يروح ويجي قالت انت مرة واصلة وممكن تولدي في

السيارة ........الله ياخدك يعني من اول التاسع وانا حاسة اني ولادة وكل شوية ترجعوني البيت

بخفي حنين واليوم ابغى اروح اتسلى تقوليلي اولد......المهم رحت البيت عبيت قشي ورحت

المستشفى وولدت والحمد لله عدت على خير...

جينا للمهم نبغى نقول لاهالينا على الخبر ....طبعا زوجي مسكين ساكت تسعة شهور ما قدر

يسكت يومين الين ما ارجع البيت واقولهم انا بنفسي .....مسك التلفون وقعد يتصل على اهلي

واهله واول وحدة وقع فيها اخته اليي كلمتني امس .....البنت انصعقت من الخبر تقوله امس

انا مكلمتها ماقالت انها حامل اليوم تقولي جابت ولد...؟؟

ويكلم امي وابويا والكل مصعوق .....

وبعد ما خرجت من المستشفى يتصل ابويا مسكين عشان يطمن علي اقوم اسوق الطفاقة زيادة واقوله لو كنت قاعدة اكذب عليكم ولا جبت ولد ولا شي ايش تسوي؟

قال انا ادري عنك يابنتي جننتينا.

كمان لنا وجه نقولهم جانا ولد وما سميناه ايش عندكم اسامي ........غاية الهبالة

طبعا انا خبيت الخبر ليش ؟؟
عشان امي ظروفها ما تسمح انها تجي تساعدني في وقت الولادة ولا اي شي .
واذا عرفت من بدري تقعد تتحسر وتنقهر ومسكينة تاكل في نفسها .
بس بعدين اتعلمت انه مو كل شي يمشي بالطريقة دي لانه في ناس من العيلة الكريمة متخصصين مشاكل قالو انه اهلي كانو عارفين ومابينو عشان خايفين من العين... :06:

طبعا بعد كدا كل بلوة تصير اقولهم هي ...مراعاة لمشاعر الملاقيف ....:o

بس ايش رأيكم مو مطفوقة ......ومدري كيف زوجي وافقني..؟؟ :p