السلام عليكم ورحمة الله وبركاته ..

بنات حبيت اسألكم شنو احسن عجينه للبيتزا ؟

وتكون سهله و طريه .. و ابي خلطة حلوه للبيتزا بس تكون حاره مو الخلطات العاديه جبن وخضار ولحم مفروم ..

ياليت تفيدوني الله يوفقكم ..
19-04-1428 هـ, 04:15 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
وعليكم السلام ورحمة الله وبركاته
شوفي عجينة شمس والعشر دقايق جربتهم كلهم رووووعة للبيتزا وغيره
19-04-1428 هـ, 05:53 صباحاً
 
وعليكم السلام ورحمة الله وبركاته

شوفي هذي طريقتي دايم اسويها ولا تاخذ منك وقت وبسرعه تتخمر


المقادير:
2ونصف كاس دقيق كويتي
2 بيض بدون صفار
بيالة زيت
ملعقه كبيره خميره فوريه
ملعقه كبيره بيكنج بودر
فنجان سكر
كاس ماء دافئ
أخلطي المقادير مع بعض حتى تصير عجينه لينه وسهلة التحكم وتترك لتتخمر ساعه او اقل هذا بالنسبه للعجينه واذا تبين نكهه مميزه استعملي بهارات البيتزا وصلصة البيتزا الخاصه وتباع في بنده والعثيم واذا تبيها حاره اضيفي الفلفل الاسود او الفلفل الاحمر المحون لصلصه. اتمنى اني ساعدتك بشي.
19-04-1428 هـ, 10:43 صباحاً
 
افضل عجينة للبيتزا عندي عجينة العشر دقايق..
وبالنسبة للصلصة اللي عليها الصراحة انا مااحب اللي جاهزة بالسوق ..احب اسويها بنفسي الذ ..
اقوم اكشن بصل مع ثوم وزيت ولما يذبل اضيف الطماط والملح ومعجون طماطم..والبهارات..واقطع معها فلفل احمر واخلها تطبخ ليما احس المكونات ذابت شوي..اخليها تبرد واضيف عليها شوي كاتشاب طماطم وبعدين اضربها بالخلاط..واوزعها في علب صغيرة وعالفريزر ..لاني اسوي كميات كبيرة واحفظها عندي..وساعات اخلط معها اعشاب البيتزا..الاوريقنو..الزعتر البري..وهاذي شاريتها من السوق ..مكتوب عليها اعشاب البيتزا..تعطي نكهة حلوة..
19-04-1428 هـ, 01:17 مساءً
 
ماقصرتوا فديتكم ..

ان شاء الله بجرب الي قلتو لي عليه *_^
20-04-1428 هـ, 08:35 صباحاً
 


الساعة الآن 02:13 .