شوفي حبيبتي
بالنسبة لشركات الشحن فيه رخيصة مثل زاجل لكنها ماتوصل للزبون لحد بيتها الزبونه هي اللي تروح للشركه وتاخذ أغراضها منهم والشحن على زاجل بـ 10 ريال.......وطبعا انتي اللي تودينها لها للشركة......
وفيه شركات يجونك لحد بيتك وياخذون البضاعة ويوصلونها للزبونه لحد بيتها والسعر يتفاوت فيه من 35 ريال مثل شركة أرابكو وهذي أنا أتعامل معها وشركة الما إكسبرس ........وطبعا الزبونه هي اللي يكون عليها دفع الشحن ...........
بالنسبة للتحويل البنكي يكفي تحطين رقم الحساب والبنك اللي راح يحولون له ويفضل يكون عندك لكذا بنك حساب يعني سامبا وخاصة الراجحي والأهلي عشان تريحين الزبونه لأنه صعب تدفع الفرق في التحويل وتخسر لو كان حسابها في غير البنك اللي حسابك فيه.......
اشترطي عليها أول ماتحول لك تبلغك على الخاص أو على الإيميل أو طلعي لك رقم موبايل خاص في الشغل ترسل لك الزبونه أول ماتحول لك وتشيكين على حسابك بالمبلغ اللي على الزبونه الفلانية وغذا حولت لك إرسلي لها طلبيتها.........
ولو تبين رقم شركة ارابكو او شخص ممكن يوصل لك لزباينك اللي في الرياض لو كنت من الرياض بدل ماتحطينها في مكان ومدري وشو هو يسترزق ربه ويوصل بـ10 ريال للي في الشمال وبـ15 ريال للأبعد وأنا أتعامل معه ومعطية كثير من العضوات رقمه في موضوع خاص بالنقل والشحن والتوصيل............
أي شي ثاني راسليني على الخاص يمكن ينزل موضوعك ولا اشوفه
الله يوفقك ويوفقني وكل المسلمين
21-04-1428 هـ, 12:10 صباحاً
 
*ساما*
مشكوره اختي والله يوفقك ويحقق لك كل ماتتمنين..
21-04-1428 هـ, 01:07 صباحاً
 
الله يرزقك ويرزق كل مسلم ومسلمة,
نصيحة بتذكرينها يوم الحساب لا تفصلين وتبيعين لبس فيه مخالفات شرعية (غير محتشم)
يكفي الواحد ذنوبه يشيل ذنوب غيره!!!؟؟؟
ومن ترك شيئا لله عوضه الله خيرا منه
عندي اقتراح : ياختي مدام عندك ذوق في التفصيل ليش ما تفصلين فساتين سهرة وخاصة السواريه(الحرير والشيفون ) طبعا ساترة وانيقة
وصدقيني ربحها اعتقد ممتاز
يعني اللي تاخذينه في 5قطع بلايز تاخذينه في فستان واحد مميز !
21-04-1428 هـ, 03:04 صباحاً
 


الساعة الآن 08:37 .