السلام عليكم ورحمة الله وبركاته
حابه اعرض مشكلتي في المطبخ
بنات انا متزوجه لي 2سنه وماني عارفه اطبخ على الغدا او العشا شى ياليت تحطون لي افكار بس بشرط ميكون صعب اشياء خفيفه لاني اجي من الدوام تعبانه وزهقت من اكل برا
الله يعطيكم العافيه ويجزاكم الف خير

ولا يهمك ابشرررررررررررر ررررررري والله انك صادقة الدوام يتعب ومايخلي احد لة نفس يسوي شي لكن ابشري أدور لك أحلى وأسهل وأجمل الوصفات وأكتبها لك لكن إصبري علية يومين ثلاثة وتكون عندك
ياقلبي

ممكن تسوين لحم مفروم محموس مع شوي بصل وبقدونس ناعم وتخلينه بالثلاجه

تسوين طماط مطحون معصلصه بصل وثوم وخل وبهار وماجي وشوي شطه وتخلينه يطبخ الين يثقل وتحفظينه في الثلاجه

تجين من الدوام تسلقين مكرونه اي شكل بشوي زيت وملح وممكن ماجي بس تستوي

وتحطينها في الصينيه توحمين اللحم المفروم وتحطينه فوقها بعدين الصلصه تحمينها وبرضوا فوق اللحمه وترشينها بجبن مازورلا تطلع جناااااااااان







فيه في السوبر ماركت دجاج الوطنيه متبل وجاهز ياتشوينه وتقطعين معه سلطه

ياتحطينه في اكياس الفرن مع كذا نوع خضار ولاياخذ وقت طويل في الفرن وهو في الفرن ممكن تسوين رز على ماجي بكشنه يطلع فنتكه



ممكن تسوين اي صينيه بوقت مثلا امس او يومين وبالفرزر بس تجين تسخنينها


شوووووو كمااااااااان

ممكن تسوين بروستد وسبرنق رول وتفرزنينه بس تجين تقلينهم
ممكن تحظرين الكشنه واللحم المفروم او الدجاج او خلطات معينه وبالفريزر اسهل لك

ممكن الدجاج او اللحم تقطعينهم صغار وتفرزنينه بس تجين يفك شوي وتطبخينه مع قطع الخضار المحمده وبالخبز يطلع رووووعه

وان شاء الله باقي البنات يعطونك تجاربهم
فيه اكلات جاهزه ماتحتاج منك الا التسخين

وفيه حريم كثير يسوون لك وفرزنيه ومتى ماتحتاجيه تلاقيه
مالك حل الا انك تطبخين من الليل وتحطين في الثلاجة ..وثاني يوم مجرد تسخين
زي الايدامات والشوربة والحمسات..والحلى سويه كاسات وجهزيه في الثلاجة من الليل ..
وعندك شرايح لحم الهمبرجر وناجيتس الدجاج المجمد وغيره انواع كثير في السوبر ماركت>>يفكون ازمة..
وممكن بعد تتبلين دجاج من الليل وحطيهم في الثلاجة وثاني يوم حطيهم في صينية مع شرايح خضار وبصل وصبي عليهم طماطم وصلصة وغطيهم بقصدير ودخليهم الفرن ساعة..مع خبز او رز ابيض..
وفيه افكار كثيرممكن تختصر عليك الوقت..زي تقطيع كمية بصل وتفريزها ..وكذلك عمل كشنة طماطم وتفريزها للوجبات في اكياس صغيرة..والدجاج او اللحم طلعيه من الفريزر وحطيه تحت في الثلاجة لثاني يوم عشان يمديه يفك الثلج وماياخذ وقت منك ثاني يوم..
والله يعينك الامر يحتاج لتعود وتنظيم وقت والله يسهل عليك

اللهم إني أســألك هون الطلق وحسن الخَلق..


الساعة الآن 06:42 .