Analysis Services
  • «
  • 1
  • 2
  • 3
  • >
  • »
السلام عليكم ورحمة الله وبركاته
حابه اعرض مشكلتي في المطبخ
بنات انا متزوجه لي 2سنه وماني عارفه اطبخ على الغدا او العشا شى ياليت تحطون لي افكار بس بشرط ميكون صعب اشياء خفيفه لاني اجي من الدوام تعبانه وزهقت من اكل برا
الله يعطيكم العافيه ويجزاكم الف خير
22-04-1428 هـ, 12:05 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ولا يهمك ابشررررررررررررررررررري والله انك صادقة الدوام يتعب ومايخلي احد لة نفس يسوي شي لكن ابشري أدور لك أحلى وأسهل وأجمل الوصفات وأكتبها لك لكن إصبري علية يومين ثلاثة وتكون عندك
22-04-1428 هـ, 12:52 صباحاً
 
ياقلبي

ممكن تسوين لحم مفروم محموس مع شوي بصل وبقدونس ناعم وتخلينه بالثلاجه

تسوين طماط مطحون معصلصه بصل وثوم وخل وبهار وماجي وشوي شطه وتخلينه يطبخ الين يثقل وتحفظينه في الثلاجه

تجين من الدوام تسلقين مكرونه اي شكل بشوي زيت وملح وممكن ماجي بس تستوي

وتحطينها في الصينيه توحمين اللحم المفروم وتحطينه فوقها بعدين الصلصه تحمينها وبرضوا فوق اللحمه وترشينها بجبن مازورلا تطلع جناااااااااان







فيه في السوبر ماركت دجاج الوطنيه متبل وجاهز ياتشوينه وتقطعين معه سلطه

ياتحطينه في اكياس الفرن مع كذا نوع خضار ولاياخذ وقت طويل في الفرن وهو في الفرن ممكن تسوين رز على ماجي بكشنه يطلع فنتكه



ممكن تسوين اي صينيه بوقت مثلا امس او يومين وبالفرزر بس تجين تسخنينها


شوووووو كمااااااااان

ممكن تسوين بروستد وسبرنق رول وتفرزنينه بس تجين تقلينهم
ممكن تحظرين الكشنه واللحم المفروم او الدجاج او خلطات معينه وبالفريزر اسهل لك

ممكن الدجاج او اللحم تقطعينهم صغار وتفرزنينه بس تجين يفك شوي وتطبخينه مع قطع الخضار المحمده وبالخبز يطلع رووووعه

وان شاء الله باقي البنات يعطونك تجاربهم
22-04-1428 هـ, 01:24 صباحاً
 
فيه اكلات جاهزه ماتحتاج منك الا التسخين

وفيه حريم كثير يسوون لك وفرزنيه ومتى ماتحتاجيه تلاقيه
22-04-1428 هـ, 03:49 صباحاً
 
مالك حل الا انك تطبخين من الليل وتحطين في الثلاجة ..وثاني يوم مجرد تسخين
زي الايدامات والشوربة والحمسات..والحلى سويه كاسات وجهزيه في الثلاجة من الليل ..
وعندك شرايح لحم الهمبرجر وناجيتس الدجاج المجمد وغيره انواع كثير في السوبر ماركت>>يفكون ازمة..
وممكن بعد تتبلين دجاج من الليل وحطيهم في الثلاجة وثاني يوم حطيهم في صينية مع شرايح خضار وبصل وصبي عليهم طماطم وصلصة وغطيهم بقصدير ودخليهم الفرن ساعة..مع خبز او رز ابيض..
وفيه افكار كثيرممكن تختصر عليك الوقت..زي تقطيع كمية بصل وتفريزها ..وكذلك عمل كشنة طماطم وتفريزها للوجبات في اكياس صغيرة..والدجاج او اللحم طلعيه من الفريزر وحطيه تحت في الثلاجة لثاني يوم عشان يمديه يفك الثلج وماياخذ وقت منك ثاني يوم..
والله يعينك الامر يحتاج لتعود وتنظيم وقت والله يسهل عليك
22-04-1428 هـ, 02:34 مساءً
 


الساعة الآن 12:54 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏