عزيزاتي جاء الصيف ،،،
اريد ان اعلم بناتي الطبخ من عندها طبق سهل او حلو سهل يصلح ان تنفذه بنات صغيرات في الصف الخامس والسادس ابتدائي حتى تستفيذ منه الامهات في تعليم بناتها المطبخ شو رايكم في هذه الفكرة
02-03-1424 هـ, 08:44 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
فكرة رائعة أختي أم سارة و ***** الله نلاقي تجاوب من الأخوات و كل أخت تحاول تخلي بناتها ينفذون طبخة تقول لنا عن انطباع بناتها لما سوو الطبخة وهل كانت سهلة عليهم و لا صعبة و هم يقولون لنا عليها من جهة الأمن و السلامة يعني هل ممكن تتركين الأطفال يسوونها بدون ملاحظتك و لا لازم تلاحظين معاهم في أثناء عمل هذا الطبق أو ذاك، أختي أم سارة أنا حاليا ما عندي أفكار بس ***** الله بفكر و لي رجعة يارب.
02-03-1424 هـ, 11:45 صباحاً
 
لسلام عليكم
حابة اقول لكم عن تجربتي
انا لمن كنت خامس ابتدائي امي جابت لي هدية خلاطات مطبخ لعبة كبيرة شوي وانبسطت بها مررررررررررررة
وحسبت نفسي خلاص
قلتلها ابى اسوي شي في خلاط الكيك بس ماكنت اعرف ايش يصير فيه بس كنت ابغى اسوي اي شي
قالت لي سوي كيكة
قلت لها كيف؟
قالت طريقة بمقادير صغييييييييييرة
تكفي خلاطي
وسويتها وحطيتها في صينية صغنونة
ودوقت اهلي منها
ومن بعدها بدات اسوي كيكات من الجاهزة وسلطات فيها حركات شوي
وانا الان ولله الحمد طبااااااااااخة محد قدي اتعلم الاكلة اسويها احسن من اللي علمني
بس ترى الطبخ يصير بالحب حبيبهم فيه
جيبي لهم كتب ترىة ح يحاولو يطبقو اللي فيها اهم شي الصور وفي كتب تعليم للاطفال حلللللللوة
ان شاء الله اكون افدتك
:24:
02-03-1424 هـ, 12:05 مساءً
 
ايش رايك اختى تخليهم يسوو
كيك جاهز مثل العلالى اوبيتى كروكر وانتى كونى معاهم واختارى النكهه المحببه
لهم وكونى مجهزه عصير واذا فى بنات جيران كبرهم جمبكم اعزميهم وخلهم يحتفلو باول طبق لبناتك


كمان ممكن يسوو سندويش بيض مقلى يعنى يسوو البيض وبعدين يحشوو وممكن يعملو معاه سلطه
وشوفى كيف ترتيبهم للصحون وتقديم السندويشات
02-03-1424 هـ, 01:41 مساءً
 
السلام عليكم أختي أم سارا أنا عندي طبقين مره سهلين وبناتي يفرحون لما يسوونه.
الاول..(حلا السميد)
كأس سميد
تحمصينه على النار حتى يصير لونه بني فاتح
نصف كأس سكر مطحون+علبة قشطه+ملعقه صغيره نسكافيه+ملعقة صغيره كاكاو= تخلطيهم مع بعض زين .
نضع السميد على الخليط السابق ونحركه زين وبعدين الله يسلمك نضعه في صينيه وبالهنا والشفاء.:: :24:24: :24: الثاني..(حلا البسكوت بالنسكافيه)
علبة وربع بسكوت الشاي اولكر تكسرينه صغير مره وبعدين تضعين عليه علبة حليب نستله المركز المحلى كبيره+ملعقة صغيره(مليانه)نسكافيه+ملعقه صغيره كاكاو وتخلطينهم مع بعض زين ...تجيبين قصدير وتضعين الحلى فيه على شكل اسطوانه وتلفينه زين وتضعينه في الفريزر 3ساعات وبالهنا والعافيه.
02-03-1424 هـ, 04:06 مساءً
 


الساعة الآن 07:05 .