فكرة ممتازه 00 وبنتي عطوها المدرسه طريقه حلى 00لذيذ وبسيط00 وهي في الصف الثالث 00 خليتها تروح للسوبر ماركت تقضى اغرض الحلى بنفسها00وبعدين دخلتها المطبخ وخليتها تغسل وتلبس المريلها وبدات تعد الصبق وانا اوجها واساعدها000 ومره انبسطت وقدمت حلاها مع القهوه توريها ما عاد تلقينهامن الفرحه وما بقى منه شئ وكان الحلى رهيب 00وصورتها وهي تعد الطبق00ورح انزل الطبق قريبا000وشكرااااااااااااا
02-03-1424 هـ, 06:52 مساءً
 
OAKWOOD وأم التوأم وام خـــــــــــــــــالد وأم شذاوالام الحنون 2 ،،،،،
اشكركم على تفاعلكم وتجاوبكم معي واقدم لكم صحن حلو وهو حلو لابنتي الصغيرة في الصف الخامس وممكن كل البنات ينفذوه ،
المقادير
قشدة ثلاث علب
4 معالق شكولاته نوتيلا او اي نوع اخر
بسكويت شاي نوع مستطيل
كوب حليب
صينة
الطريقه :-
نخلط القشدة + النوتيلا بخلاط اليد
نغمس البسكويت في الحليب
نضع كمية من القشدة النويلا في قعر الصينية نرص عليها البسكويت المبلل في الحليب
ثم نغطيها بالكريمة النوتيلا ، الطبقة الثانية نرص البسكويت المبلل بالحليب ثم الكريمة حوالي اربع طبقات الطبقة الاخيرة تكون كريمة وتزين حيب الرغبة مكسرات اي شيئ
وتترك في الثلاجة لمدة 5 ساعات ، تقطع مربعات صغيرة وتقدم هي سهلة بس الطريقة طويله في الكتابة
لذيذه خليتها مره ثانية تسويها وكان عندنا عزيمة وخليتها تقدمها لهم لم يصدقهوا
وتعالوا شوفوا السعادة التي كانت فيها بنتي تسوا الدنيا وما فيها خلوا بناتكم يجربوها وراقبيها
03-03-1424 هـ, 12:47 مساءً
 



8
8
8

هذا الطبق اللي فوق أخواتي يسوون حلى قريب منه ... ماشاء الله عليهم

الله يخلي لك بناتك

والله انك اعجبتيني .... ماشاء الله تبارك الرحمن

03-03-1424 هـ, 01:23 مساءً
 
أختي أم سارة مشكورة على الموضوع الحلو و على الأطباق السهلة.......

شوفي أنا بناتي في الصف الثاني و الثالث أخليهم يسوون هالحلى و الكل يعرفه أتوقع وهو:

المقادير:

رقاق سمبوسة + جبنة كيري الحبه الواحدة مقسمة 3 أقسام. (و على الوجه شيره = قطر) للزينة: رشة قرفة إذ أحببتي أو هيل أو فستق مطحون أو جوز أو لوز (كلها ليست ضرورية ولكن للزينة فقط)

طريقة العمل:

نضع كل قسم من اقسام الجبنة الكيري في الرقاق ثم نلفه لفتين مثل الرول و هكذا إلى أن تنتهي الكمية.
نحضر صينية الفرن المدهونة بالزيت و نرص رول الجبن الكيري فيها.
ندخلها الفرن و تكون النار من تحت لمدة تقريبا 20 دقيقة أو إلى أن تشقر ثم نخرجها من الفرن و نحليها بالشيرة ثم نرش عليها القرفة أو أي شيء من السابق ذكرها.

بناتي يطيرون من الفرحة لما يسوون هالطبق و نقدمه مع القهوة و بعدين ما فيه أي خطر عليهم و هم يسوونه و دائما أقول لهم ماشاء الله عليكم صايرين طباخات عاد لحقيهم ساعتها من الفرحة (مصدقين أنهم صاروا طباخات).


الطبق الثاني هو البيتزا السريعة:

المقادير:

توست (بريد) + جبن موزاريلا + صلصة البيتزا + زيتون أسود + فلفل بارد + ذرة + مشروم

طريقة العمل:

نأخذ شريحة التوست و ندهنها بصلصلة البيتزا ثم الجبن الموزاريلا ثم أي شيء يحبونه من الأشياء الباقية
ثم ندخلها الفرن حتى تحمر الجبن و بالعافية.

بناتي يسوون هالطبق أحيانا لما يردون من المدرسة أكون أنا محضره المقادير على الطاولة و بعدين كل واحد فينا يسوي حق نفسه و يحط الأشياء اللي يحب في البيتزا يعني و حدة منهم ما تحب الفلفل البارد و الثانية ماتحب المشروم و ساعات بس يبون تكون صلصة البيتزا مع الجبن الموزاريلا بس، طبعا نقعد ننتبه أنا وياهم عند الفرن و كل وحدة فيهم تعلق على بيتزا الثانية يعني يصير فيه جو حلو أحيانا أقول لهم قدام أبوهم قبل العشاء ترى العشاء اليوم عليكم لأن بابا يبي يجرب طباخكم و أبي منكم تسوون لنا بيتزا لأن بابا يحبها من ايدكم عاد يستانسون و أتركهم هم اللي يخمنون المقادير و إذا نسوا شيء أذكرهم يعني لازم مو بس يتعلمون اشلون تتسوى الطبخة هم لازم يحفظون المقادير و لا نصير ما استفدنا شيء.

آسفة طولت عليكم و لكن لي رجعة أخرى ***** الله لأن الموضوع بصراحة عاجبني حيل.
03-03-1424 هـ, 01:47 مساءً
 
الله يعطيكم العافيه على هالاكلات


,,,
06-03-1424 هـ, 01:34 مساءً
 


الساعة الآن 10:00 .