هلا حبيبتي

بقولك على طريقة دجاج محشي مشوي بيعجبك إن شاء الله وفيه نكهة الشوي

هاتي بصل وقطعيه حتت صغيره وتبيليه بملح وفلفل اسود فقط

بعدين هاتي دجاجه نيئه وتبليها بالبصل دا من داخلها وتحت الجلد لو تعرفي وخارجها وكله واتركيها شويه

بالوقت دا هاتي رز الرز العادي المصري لو متوفر لو مش متوفر عادى هاتي اي رز متوفر

وتبليه بشويه من البصل المتبل بالملح والفلفل

ولو فيه كبده وحوايج الدجاجه قطعيها حتت صغيره وحطيها مع الرز

المهم هاتي الرز دا وقلبيه على النار مع شويه زيت سااااخن شويه كدا بعدين اسقيه مايه او شوربه لو متوفر بس اهم شئ هنا انك هاتسويه نصف سوا فقط

يعني ايه نصف سوا >>> يعني هاتسقيه نصف كمية الماء المعتاده دا المقصود بنص سوا

فانتي هاتسقيه نصف كمية الماء المعتاده

بعدين تحطيه على نار متوسطه لحد ما تلاقي الماء بدا يغلي بعدين خلي النار هاديه جدا لحد ما تلاقي الماء نشف

تاخدي الرز وتحشي بيه الدجاجه كويس من داخلها وتحت الجلد كمان

بعدين تقفلي الدجاجه كويس وبس تدهنيها من الخارج بمسحه زيت خفيفه اوى اوى اوى

بعدها تلفيها بورق فويل ورق الومنيوم كويس

وتحطيها بالفرن فى صينيه

ممكن في الصينيه دى تحطي شويه زيت فى قاعها وبطاطس شرائح وشرايح بصل متبل بملح وفلفل اسمر فقط بتاخد نكهه حلوه اوى

المهم تحطيها بالفرن العادي مده تقريبا ساعه ولا حاجه او ساعه ونصعلى حسب انتي شوفي كل شويه سواها هي بتكون طريه مش ناشفه ياحبيبتي

بعد ماتستوي هاتكشفي الفويل وتحطيها تحت الشوايه بس لتاخد لون ذهبي محمر من كل جانب او زي ماتحبي ليكون لها شكل الشوي

هاتعجبك جدا إن شاء الله شهيه جدا ياغاليه وهاتحبوها ان شاء الله

بس نصيحه لاتستخدمي بهارات كتير هو بس ملح وفلفل اسود وبسسسسسسس علشان لوحدهم بيعطوا للطريقة دي نكهه حلوه جداااا فماتضيعيش النكهه دي ببهارات تانيه

اعمليها وقوليلي ايه الاخبار ولو اي سؤال اسألي ياحبيبتي براحتك
25-04-1428 هـ, 09:13 مساءً
 


الساعة الآن 11:06 .