السلام عليكم و رحمه الله و بركاته ..

بنات او الطباخات ....

نفسي اتعلم طريقه المرقوق و القرصان ... انا سويت بحث طلع لى موضوع وحده تسأل نفس سؤالي و جاوبتها اخت بس بالمختصر المفيد ... قالت لها سوي مرق ....
طيب كيف اسوي المرق ؟؟؟؟ هنا السؤال ...

الله يعافيكم اللي تعرف تقول لي بالتفصيل مع انواع البهار اللي يستعمل و لها مني دعوه من القلب ...
و شكرا مقدما
24-04-1428 هـ, 02:51 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
المرق انك تحمسين لك شوية بصل بعدين تضيفين له طماطم مقطعه او مطحونه

بعدين تحطين اللحم او الدجاج وتحركينه بعدين تضيفين البهارات والماجي والملح (حسب رغبتك )

ومعجون طماطم طبعا وكله بالتقدير يعني مافي مقادير معينه حسب الكميه اللي انتي بتسوينها

بعدين تضيفين الخضره المقطعه مكعبات (جزر , بطاطس , قرع , كوسا , فليفله ) واي خضره تحبين

وتضيفين الماي بعدين وتقصرين عليه لما تنضج الخضره

تكونين مجهزة العجينه ( طحين بر ,, وماي ,, مع شوية ملح )

اذا نضجت الخضره تبتدين تفردين العجينه رقيقه وتحطين بشوييش فوق المرق لا تنزلينها تحت خليها تطفو على سطح المرق

وغطي القدر وروحي افردي وحده ثانيه

اذا فردتي الثانيه افتحي القدر بتلاقين الاولى نشفت شوي وتغير لونها

الحين نزليها بشويش بالملعقه

وحطي الثانيه بنفس الطريقه

اذا خلصتي قصري عليه وخليه نص ساعه ينضج العجين وبس

هذي طريقتي اتمنى اكون افدتك
24-04-1428 هـ, 03:36 مساءً
 
الله يجزاك الف خير ...

ايه انا مو مهم المقادير بس اهم شئ اعرف اشلون الطريقه نفسها ... لأن المرق انواع ...

مشكوره يالغاليه و ان شاء الله بنفذها قريبا
24-04-1428 هـ, 06:09 مساءً
 
ليتك عندي 000
تو سويت مطازيز لاهل زوجي عشان العشاء وسويته بدري الساعه 6 عشان مايقولون مانضج
المطازيز0000
تعجنين عجينه (دقيق بر وماء)الين تتماسك وكون قاسيه نوعا ماء
تجيبي القدر تشوحي بصل بالزيت وتضيفين الطماطم(مقطعه او مطحونه)وثوم وفلفل كامل
وبعد مايتسبك تضيفي الحم او الدجاج المقطع صغير وتضيفين ليمون اسود كامله وبهارات
وبعدين تضيفين الماء والخضار
وبعد مايفور تضعين اقراص العجين (تكوني فاردتها ومقطعتها)
وتهدين النار الين يتسبك زين تقريبا ساعه وبالهنا والعافيه
القرصان0000
سوي مرق لحم او دجاج بالخضار وتكون الخضار مقطعه مربعات
ان استوى اللحم والخضار
جيب صنيه وقطعي القرصان الجاهز قطع متوسطه
الطبقه الاولى قليل من المرق
الثانيه قرصان
الثالثه مرق
وهكذا الين تخلص الطبقات
باقي المرق رشيه فوق القرصان وحاولي تدخليه بالملعقه حتى لايوجد بالداخل قرصان ناشف
وبعدين حطي البصل المقطع ومخلوط مع بهارات وليمون ومسمنه
وبعدين اللحم
ودخليه الفرن او فوق النار الين ينضج
(يمكنك تقطيع اللحم مربعات مع الخضار-يمكنك اضافه البصل مع البهارات في كل طبقه من الطبقات طبخ خضار كبيره ووضعها فوق الصينيه للتجميل)
24-04-1428 هـ, 06:58 مساءً
 
تسلمين يالغاليه ...
و الله يجزاكي الف خير و ان شاء الله تتوفق عزومتك يارب
25-04-1428 هـ, 01:35 صباحاً
 


الساعة الآن 06:06 .