حبيبتي لازم تنظمي شغل البيت شي يومي شي اسبوعي شي شهري
انا مااعرف اني بيتك كبير ولا صغير وكم عدد عيالك

بس عموما لازم عيالك يساعدونك بشغل البيت ولازم ترتاحي لاتقولي فنيت ان لجسمك عليك حقا

انتي بس هدي ودوريلك جدول يناسبك وامشي عليه واذا تعبتي ارتاحي الشغل مو طاير

شوفي عزيزتي فيه اسرار تخلي شغل البيت ما شي تمام
اولا الاستغفار
ثانيا الدعاء وطلب العون والبركه من الله في الوقت والجهد
ثالثا قبل النوم التسبيح 33 والتحميد 33 والتكبير 34
بعدين فيه افكار ممتازه وهذي فكرة احدى الاخوات الله يبارك لها
تقولي كل يوم اسوي شي في البيت من الامور الدوريه
يعني اليوم امسح الشبابيك بكره المكيفات بعده الابواب بعده التحف بعده اغسل النباتات الصناعيه
يعني يوميا اضيفي شغله للجدول بحيث دايما البيت كل شي فيه نظيف ولا يتراكم الشغل فتره طويله ويصير صعب عليكي
بعدين الاستيقاض مبكر والنوم مبكر هذا له دور في انجاز شغل البيت بالوجه الي يرضيكي

الله يوفقتس ويسعدتس ويعينتس

كانك تتكلمين عني ..انااحس نفسيتي خلالالالالالالاص صارت دماااار
محتاسه بين البيت والأطفال
لاتقولون لي خلي عيالك يساعدونك ..بيجيبون لي الضغط والسكر وجربت كل الطرق معاهم اطفال
وعقولهم صغيره مستحيييييييييل يحسون بالمسئوليه اتعب وتنفقع مرارتي وانا اتكلم واعلم واعيد وازيد مافي فايده حتى لو سووا حاجه بسيطه و تكون طالعه من عيوني ماتسوى علي

وحتى لسويت جدول لازم تجيني حاجه تخرب علي اولها ولدي الصغير اللي ماخذ كل وقتي
او يجيني ارهاااق وتعب مفاجىء بجسمي كله

خلاص ماعدت اتحمل استنزفت كل طاقاتي النفسيه .

ياريتني اقدر اطنش الفوضى وارتاح ..مااتحمل الفوضى تجيب لي المرض وفي نفس الوقت ماعدت
اقدر اسيطر عليها

الله يفرجها علي وتجيني شغاله هذا الحل الوحيد

حبيبتي أول شئ أتبعي القاعدة التالية في حياتك كلها ( الأهم _ فالمهم _فالأقل أهمية ) يعني أبدئ بأع\هم شئ في شغل البيت ثم المهم فالأقل أهمية ومولازم تشتغلي من الصباح للمساء لأن شغل البيت ماينتهي أبداً
ثانياً حددي لنفسك وقت لبدأ العمل والإنتهاء منه يعني كأنك في دوام رسمي (8 ساعات عمل فقط )
طبعاً هذا النظام تطبيقه يحتاج جهد لكن أنا واثقة بإذن الله إنك راح ترتاحي معاه وأهم شئ أنك تتذكري أنه إذا ماأهتميتي بنفسك كل اللي تسويه ماله قيمة عند الرجل