[font="Arial Black"][/FONT
حبيباتي السنعات هالايام الوحم ذابحني وابي اطباق سهله وسريعه ومغذيه ودسمه ...........................................علشان عيالي وزوجي لاننا ملينا من المطاعم واكلها الفاسد
..........طبعا بتقولون تحتاجين عصى سحريه ......خاصه انو ماعندي شغاله تساعدني...........ارجوكم ساعدوني
25-04-1428 هـ, 11:58 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يسلمك ما فيه غير المكرونه الحمراء صلحيها مع سلطة زبادي وخيار ويالله الجنه
والا صلحي لهم دجاج بالفرن انطليه وروحي عنه
واتمنى ان اكون افتدك
26-04-1428 هـ, 12:59 صباحاً
 
أختي...أول شي الله يهون عليكي يارب...والله يجعله عبد صالح...

شوفي ..

فيه تغميسه مرة لذيذة وسهلة فوق ماتتخيلين..
أشتري من السنبلة..كفتة اللحم المجمدة..وهي عبارة عن كرات من اللحم ..
المهم ياخيتي...طلعيها من الفريزر...وحطي بقدر بصل...وزيت وقلقليها فيه..
وتكونين مسويه صلصلة حمراء ..الي هي كشنه...
أو تسوين صوص أبيض...وهو كريمة الخفق تضيفينه ..مع الملح طبعا...والبهارات...
وتحطينها على الكفته بعد ماتتقلقل شوي وخليها تطبخ معاه ربع ساعه...
وجهزي الخبز....ويالله من فضلك لذيذة جدااا والكل يسئل عن طريقتها اذا ذاقها والأهم سهلة ..

...
أو استخدمي دجاج الصدور واسلقيه وعلى مويته اسلقي مكرونة..أو رز...
لاتسوين لابصل لاكشنة لاشي ... والله انه يطلع ياااطعمه...بس طبعا لابد من الزيت والملح ...

...
وسوي يوم همبرقر...

...
وممكن تسوين صواني....مثلاً صينية مكرونة صينية مسقعه ..صينية خضار بالدجاج..صينية بطاطس بالدجاج او اللحم...وكل ماسويتي صينيه...سوي منها ثنتين أو ثلاث...وحطيها بالفريزر...
راح تريحك كثيرررر....
..
ومره أشتري تميس...وحطي فوقه من الصلصات الجاهزة حقات البيتزا...وحطي زيتون ، جبنة موزاريلا..نقانق ،فلفل رومي....عاد على حسب ماتبغين....
وسوي معاه سلطه بينبسطون...ومريحة ..

...
ومره دجاج...أسلقيه وبعدين حمريه بالفرن....وجيبي معاه خبز وسلطه...

...
ومره دجاج صدور...أحمسيه مع بصل وزيت..وفلفل رومي.....وسوي منه سندويشاات ..سريع ولذيييذ..


.....
والله يسهلك يااخيتي وييسرلك....ويارب أكون أفدتك...وإذا تذكرت شي بتكون لي عودة إن شاءالله...

تحيااتي لك...
26-04-1428 هـ, 05:58 صباحاً
 
شوفي ياقلبي
احسن طريقة والذ طريقه الطبخ بدون كشنه
اذا انتي متابعتني ردي علي واقول لك كيف
26-04-1428 هـ, 08:18 صباحاً
 
الله يجزاكم الف الف الف خير ...........يا انسام الليل ,,,,,ويا سوسو,,,,,,,,, ويا رسيل
وياليت تكملون نصايحم الغاليه .........وعساالله مايحرمني منكم
26-04-1428 هـ, 06:07 مساءً
 


الساعة الآن 01:37 .