اهليييييييييييييييييييييييين
مرحبا فيك في بريطانيا ...
البنات مشاء الله ماقصروا الله يعطيهم العافية .....
بس بقوللك من تجربتي ...
جيبي معك جريش وقهوة وقرصان ناشف اذا كنتم تحبونة حطية بالشحن في علبة بلاستك كبيرة عشان مايخرب ...
وبهارات مطحونة اذا كنتي ماتعرفين تسوين البهارات ومكسرات وفصفص خخخ
وجيبي معك ترامس قهوة وكثري يعني جيبي اثنين للقهوة وثنين للشاهي مو مثلي الحين انكسر اللي عندي وتوهقت ما عندي ثاني ؟؟
وجيبي معك سجاجيد للصلاة ثنتين تكفي و جبن سايل كرفت لان هنا متوفر بوك بس
جيبي زعتر وسماق اذا كنتي تحبينهم لان هنا مافية شي زين طبعا الملابس لاتكثرين خصوصا لولد لان هنا قومة وقعدة واحلى من السعودية وعملية اكثر وسعرها مو غالي
.........................................................
اما من ناحية الاثاث انا افضل انك تاخذين مؤثث لان التاثيث متعب هنا يعني كل شي انتي تركبينة مو مثل السعودية كل شي راكب وجاهز يعني الكوميدينة انا ماقيتها موجودة في البيت وشريتها الله لايوريك يوم كامل وانا جالسة اركب فيها وصرت كني نجارة خخخ مطرقة ومسامير والله شكلي يضحك
وخذوا هاوس لاتاخذون شقة ابد نصيحة مني والله الهاوس اونس واجد ومايفرق بالسعر كثير ....
واغلب بيوتهم فيها حمام واحد بس
.........................................................
اما من ناحية البلد لاتنصدمين مثلي تراها مافيها شي يعني البلد كئيبة مو مثل السعودية عماير وفلل ومجمعات ووناسة
اللهم الجو هو اللي مزين الديرة والا تحوم الكبد
..........................................................

اما ولدك اتوقع فية مدارس سعودية وفية مدارس انجليزية السعودية يداوم فيها بس الخميس والجمعه والاحد وباقي الايام في الانجليزية والانجليزية اختياري يعني مو ملزوم فيها
.........................................................
اما المفارش جيبي مفرشين لك ومفرش لولدك بس اتوقع مقاسات المفارش تختلف لان هنا اسرتهم اصغر من السعودية
.........................................................
اما الاجهزة الكهربائية لاتجيبين شي لان كهربهم اقوى من كهربنا يعني بس جيبي المدخنة الكهربائية والا الباقي افضل من حقاتنا بمراحل
.........................................................
اما من ناحية المواعين لاتشحنين من هناك لان هنا اشكال والوان وتهبل بس جيبي معك تبسي او صحن كبير للرز وجيبي معك فناجيل وبيالات وعلب التمر واهمممممم شي لاتنسين تجيبين سفر بلاستك ترا مو متوفر هنا ابد يعني عندهم اللي تغسلينة بعد كل وجبة .....
.........................................................

واتمنى لكم رحلة موفقة انشاء الله

اجل مانشستر احسن منها ماتقفل الا 7 ومجمع ترافورد يسكر 9 خخخخ :42:

ماقصرتوا والله بس ليش الاغلبية يقولون لاتجيبين اجهزة كهربائية انا اقول لندن غالية وماتكفي مصاريفنا ........ طيب ما قلتولي ولدي يدخل اي مرحلة بالانجليزية والسعودية ..... والبقالات العربية موغالية زوجي يقول لندن مرة غالية ........جاوبوني الله يخليكم

هلا اختي
بالنسبة للاجهزة مو مرة غالية تقريبا نفس السعر بس المواعين اللي شوي غالية بس لو حسبتي قيمة الشحن بتطلع نفس السعر
وبالنسبة للبقالة العربية غالية مرة يعني توصل الدبل اربع مرات بس ممكن تلاقين نفسها بالتسكو او ازدا وارخص يعني انا كنت اشتري بسكوت اولكر الواحد ب6 ريال ولقيتة في بقالة هندية بس مو اولكر ب 2 ريال يعني تلقين كل شي عندهم بس يبيلك وقت عشان تعرفينه ...

شكرا اختي ........ بس ابي اسأل عن ولدي اي مرحلة يدخل بالمدرسة السعودية والانجليزية........