بسم الله الرحمن الرحيم
السلام عليكم ورحمة الله وبركاته
هلا والله بسيدات الاعمال
هذا السؤال لكم ابي افهم كيف كيف تحددي الزياده الربحيه على قطعه بتبيعينها في حدود شرعيه وحلال؟! ان شاء الله سؤالي واضح..
يلا فهموني


الله يغفر لك ويرحمك يا يبه
هلا بك اختي الغاليه

بالنسبة للزيادة في المنتج طبعا اذا اخذنا الموضوع شرعا فمسموح لك الزياده على حسب اللي تشوفيه مناسب لانه هذي تجارة
لكن طبعا ما يكون منتج غير جيد ويتم وضع سعر غالي جدا عليه يعني لا يحط الواحد سعر غالي جدا بحيث يفتكر الناس انه المنتج صناعته مميزه جدا وبالاخير يطلع عادي جدا

ايضا في نقطة اخرى بالشرع
وهو انه اذا كان متعارف مثلا انه هالمنتج مثلا بالسوق سعره 50 ريال وبعض المحلات 70 يعني من 50 إلى 100 ريال بين محل والاخر فيحق لك تحطي بهالحدود اذا كان المنتج معروف ومتداول سعره
لكن ما تجي مثلا تحطي نفس هالمنتج بسعر 200 ريال او 300 ريال لانه هنا صارت الزياده مو طبيعيه زياده عن السعر المتعارف عليه


اما لو كان منتج غير معروف وغير متواجد في السوق فلك الحق بوضع السعر المناسب بما يتوافق مع جودة المنتج وصناعته وتكلفته



نجي للنقطة الثانيه
===============

يختلف تحديد نسبة الربح على حسب التكاليف اللي عندك
يعني لازم تحسبي تكلفته وتكلفة الشحن وتكلفة التعب الشخصي في متابعة الطلبات
ولو كان في محل او ايجار ايضا يحسب ولو كان عندك مندوبة او عامله ايضا تحسبي راتبها او نسبتها عشان تعوضي هالشيء بالربح




بالنسبة لي اميل دائما للربح القليل المعقول يعني مثلا 10 ريال ربح او 20 ريال ربح بالقطعه الواحده كحد اقصى

وطبعا هالشيء ايضا يختلف على حسب نوع المنتج

في منتجات تقدري تزيدي فيها وتحتاجي تزيدي فيها مثل التصاميم والملابس والخياطه لانه المجهود والتعب الشخصي واجرة اليد فيها اكثر من منتج جاهز شريتيه مثل الاكسسوار وتبيعيه بزياده ربحيه قليلة

لانه الخياطة والتصاميم مثلا مكلفة اكثر من غيرها واجرة اليد فيها تحسب اكثر



مليكة القلم..
اسمى على مسمى اختي ما قصرتي الله يجزاك خير ..
شرحك وافي و واضح..
واتمنى الاخوات يتسفيدون منه ..
الله يوفقك ويرزقك الرزق الحلال .. اللهم امين

الله يغفر لك ويرحمك يا يبه


الساعة الآن 09:56 .