السلام عليكم ورحمة الله وبركاته..هذي أول مشاركه لي في المنتدى وبصراحه مافكرت أكتب في أي منتدى من قبل بس منتداكم غير لأني حسيت انكم ناس مجربه وفاهمه وفوق هذا ناس تنصح و ما تبخل بالمعروف وبصراحه أكثر أنا طمعانه في هذا المعروف.. القصه ومافيها اني على وشك اقامة أول مشروع لي وهو معمل للملابس الجاهزه وهذا المشروع تكليف من الوالد الله يحفظه وطلب مني أجمع أكبر قدر من المعلومات عن هذي النوعيه من المشاريع ماأخفي عليكم بحثت كثير في النت ومالقيت أجوبه على أسئلتي وأتمنى ألقى عندكم الجواب يا صاحبات الخبره الأسئله هي:
وش نوعية مكاين الخياطه المستعمله في هذي المشاريع ؟
ماهي أفضل مصانع الأقمشه في نوعية القماش والتعامل والأسعار؟
ماهي نوعية الخيوط اللي بحتاج لها؟
ماهي أسعار مكاين الخياطه؟
وش نوعية أقمشة مراييل المدارس الدارجه؟
ياليت لو تعطوني فكره عن أسعار الأقمشه
وايش اللي بحتاجه في هذا المشيريع... على فكره المعمل عالقد يعني حده 4خياطات
ومشكورات مقدما للي بتجاوبني واللي بتطنش مشكوره لأنك كلفتي نفسك وقريتي الموضوع.
26-04-1428 هـ, 11:53 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك اختي وييسر امرك

شوفي تحتاجين مكائن خياطة متمكنه الي تجي ثابته مع طاولة وهي بحدود ال1000 تلقينها في محلات المعيقلية بالجملة هالمحلات تاخذين الخيوط والابر والمقصات وكل ماتحتاجينه باسعار جملة وكل الكلف والسحابات والبطاين الي تحتاجينها في محلات المعيقلية الي في القبو مختصة بالكلف وهالاشياء

وتحتاجين للاقمشة والافضل انك تجيبينها من الهند ولا الصين هناك الاطوال بسعر التراب وبكميات مهووولة

واذا ماتقدرين على السفر عندك سوق القدس والخزان يعدون ارخص شي في الرياض
27-04-1428 هـ, 12:54 صباحاً
 
أختي ضحكة الدنيا تستاهلين شكر مضاعف,ممنونه لك.
27-04-1428 هـ, 01:52 صباحاً
 
موفقة اختي
27-04-1428 هـ, 03:30 صباحاً
 
بالتوفيق عيوني
27-04-1428 هـ, 09:58 صباحاً
 


الساعة الآن 11:09 .