والله مالي خبره كثير بهالشغلات..بس فيه شي اسويه ومره مريح عندك لو حبيتي حشوات المكرونه ممكن تتفرزن اقصد اللحم المفروم حق الباشميل او االللزانيا ..
ماشاء الله البنات ماقصرو كفو ووفو واذا ماامداك وخلص الي بالفريز روحي لسوبر ماركت تلقين عندهم اقماع جاهزه ماعليك الا حشيها حبيبتي نصيحه السنبوسه والمعجنات اذا طولت في الفريز تخور يعني يخرب طعمها تحسيها قديمه انا مااحبها تطول اكثر من ثلاث ايام هذا راي والاعادي تطول في الثلاجه .............. هذا رأي والله يوفقك
اذا انتي في الريااض رووحي قمه المعموول عندددددهم كل شيء للفريز ومعموول يجننننن ورخييييييص
اذا حبيتي من يدك فيه عندك عده اشياء
1) سمبوسه محشيه لحم مفروم , جبن بالنعناع
2) سوي عجينه بيتزا وحطي عليها الحشووه من فووق ودخليها الفرن وحمريها من تحت بس وخليها تبرد وحطيها في الفريز
3) حشووه لكل شيء سوي عصاج ( لحم مفرووم مع البصل والبقدونس والكزبره ) واستخدميه لحشوو المكررونه ، او طبقه تووست منزوع الاطراف والحشووه وطبقه توست ثانيه ومن فووق قشطه مايونيز جبن وفي الفرن (سهله مره )
3) سووي معمول وفي الفريز وما ياخذ وقت في الفرن عشر دقايق بس
4)بصل افرميه في مولينكس او اي جهاز لتقطيع عندك وفي اكياس صغيره وفي الفريز
5)الثووم افرمي كميه حطيه في علبه واخلطي مع شوي ملح وزي زيتون عشاان ما يقلب لونه اخضر وفي الثلاجه مو الفريز
6) البطاطس اسلقيها نص سلقه طبعا بعد ما تقطعينها اصابع حطي عليها شووي ملح وزيت وفي الفريز بس طلعيها واقليها وهي مثلجه بدون ما يفك الثلج
7)خذي بف بااستري وخليه في الفريز ترى سريع وله مليون طريقه في الاستخدام
8) سووي كبااب ، وكبه ، وكفته وفي الفريز
9)قلي مكسراات ،صنووبر ،فستق ، لوز وخليه في الفريز بس طلعيه وحطيه في المايكرويف وزيني فيه اي شيء
10)ملوخيه ورقيها نظفيها وجففيها حطيها في منشفه نظيفه ولفيها عليها حتى تمتص كل المويه الي فيها وفي الفريز ،بس طلعيها حطي معها بصل وشوي ثووم وقلبيها ع الناار حتى تذبل شووي وحطي موويه شووي بس وبهاارات وملح تطله شيييء وبعدها تقليه الثوم مع الشهقه طبعاااا خخخخخخخخخخ
11)الباميه ، الكووسه ، الجزر ،القرنبيط نظفيهم قطعيهم تقطيع ايداام وفي الفريز
12)خذي الباشميل الجاهز ،صلصه البيتزاالجاهزه ،شوربات كنوور ، تتبيله السلطه < عشاان الوووقت خذيها بس بخطوه وحده تكونين خلصتي
13)

في النهايه احب اقوول كثر الله من امثالك لبرك في والدي زووجك والله لا يحرمك الاجر ياارب وماابي منك اذا عجبك كلامي الا الدعاء بالصلاح لي ولزوجي ولاولادي


المشكله هم وش يحبون ياكلون بالعاده !!!!يعني يمكن التشكيلات ماتعجبهم عموما البنات ماقصروا بس ازيد ان الجريش اذا فرزتيه والله ما يتغير يعني اطبخيه عادي واذا خلص حطيه بالفريزر وماعليك الاتطلعينه وتحطينه على نار هاديه وزيديه حليب اذا احتاج وانسيه لحين التقديم وممكن بعد تسوين كشنة تصلح لكل شي تقريبا يعني تصلح للمرق وللمكرونه الكبس وللمرقوق وللمطازيز وللقرصان انتي جهزيه بالفريزر واذا احتجتي بس طلعيه على طول واستخدميه وبعد ممكن تفرزين لك مطازيز بس تطلعينهم لابغيتي وتكبينهم على الكشنه السابقه وكفتة البطاطس بعد يحبونه الكبار لانه لينه ممكن تصلحينه وبالفريزروالله يكون بعونك وابرجع للموضوع ثانيه للواحتجتي اي شي لايردك الا الكيبورد
أنا من رأي الأخت هواجس ناعمة
ركزي أكثر شئ على الايدامات والشوربات والاكلات الشعبية وهي اللي تكون أطباق رئيسية وما في مانع جنبها المعجنات لأن كبار السن يحبون الأكل الشعبي مثل المرقوق والقرصان والجريش وأنا من واقع تجربة مع ابوي وخالي (ابو زوجي)الله يمتعهم على طاعته أشوف شوربة الجريش لا يعلي عليها عندهو خفيفة ومفيدة وسهلة الهضم خصوصا عشاء ولا تكلفين أختي ترى طلاقة الوجه وحسن الاستقبال بتخليهم يشوفون اللي حاطته ذبيحة لو هي تونة ههههههههههه
الله يسعدك ويوفقك ويكثر من أمثالك لأن هالأيام أهل الزوج ما يلاقون لوهي الابتسامة من مرة الولد ويمكن لهم سنين ما دخلوا بيت ولدهم !!!! الله يرحم أحوالنا ويجعلنا من اللي يصلون الرحم ويشجعون عيالهم عليه


الساعة الآن 08:16 .