Analysis Services
بعد عندك كيكه التمر الشياب يحبونه مرره
مقاديرها
4 بييض 4 فناجيل سكر
ملعقه بكنج بودر ورشه فانيلا
ثلث كاس زيت
كاس تقريبا دقيق بر
تمر (مكنوزاو معبي او مرصوص ) مدري وش يسمى المهم بدون عبس ومقطع اربع اجزاء
جوز اوعين جمل حسب الرغبه
بالخلاط اربع فناجين سكر مع اربع بيضات لمده خمس دقايق
بعدها اضيفي لها ثلث كاس زيت مع ملعقه بكنج باودر مع رشه فانيلا
بعد ذالك اضيفي الدقيق البر تدريجيا حتى يصبح شكل الخليط لا غليض ولا رقيق بينهن
ادهني الصينيه بالزيت ورشي عليها شوي دقيق بعدها صبي نصف الخليط
وزعي قطع التمر وعين الجمل بالترتيب على الصينيه بعد ذالك صبي باقي الخليط
دخليها للفرن بدرجه حراره متوسطه طبعا لازم قبل ما تدخلين الكيكه يصير الفرن حار يعني مفتوح من قبل
عشان تتاكدي انها استوت اغرزي سكين واذا طلعت وما علق فيها شي معناها استوت
بعدها قطعيها وحطيها بعلب
على فكره انا مجربتها برمضان كنت بس اطلع واسخن طعمها ما يتغير
02-05-1428 هـ, 01:52 صباحاً
 
وبعد عندك سمبوسه سويتز تقدرين تسوينها صغار و تحشينها جبن كرفت او كيري وتفرزنينها واذا طلعتيها اقليها وصبي عليها شيره
وعندك شرايح السمبوسه العاديه تسوينها رولات اواصابع وتحشينها جبن كيري اوكرفت شدر وتفرزنينها واذا بغيتيها بس حطيها بصنيه مدهونه بشوي زيت واشويها وبعد ما تطلع صبي عليها شيره
وعندك الخبز التوست تفرمينه بفرامه البصل وتحطينه باكياس واذا بغيتيه بس طلعيه وادهني صنيه بالزيت وحطي الطبقه الاولى الخبز المطحون وبعدين الطبقه الثانيه قشطه يفضل طازجه او نوع زين مثل التاج او بوك والطبقه الثالثه حطي باقي الخبز ودخليه للفرن بس تشقر الحوايف معناته الي تحت اشقر عاد اقلبيها بصنيه وصبي علها شيره
وبعد عندك طريقه ثانيه للتوست هي البان كيك الكذاب
تمسكين شريحه التوست وتقسمينها اربع اقسام مع استبعاد الحوايف وتفرزنينها وقت ما تحتاجين لها بس طلعيها واخلطي بالخلاط تقريبا اربع بيضات مع شوي فانيلا وابدائي بتغميس المربعات وبعد ما تخلصين ادهني الصنيه بشوي زيت وصفي المربعات فيها ودخليها بالفرن وحاولي تشوفين الي استوت من تحت اقلبيها والي خلصت طلعيها بعد ما تستوي كل المربعات صبي عليها شيره عاديه ويستحب شير البان كيك
02-05-1428 هـ, 02:00 صباحاً
 
اما الموالح او المعجنات عندك اصابع البطاطا بالتنونه
والطريقه تسلقين اربع حبات متوسطه بعد ما تستوي تقشرينها وتحطينها بصحن وتبدين تفرمينها بالشوكه لين تنفرم بعدها تضيفين علبه تونه مصفات من الزيت مع بيضه و3ملاعق دقيق وملح وبهارات وثوم مهروس وماجي ابيض وتبدين تعجنينها لين يداخل ببعضه بعدها تشكلين اصابع وتغمسينها بالبيض وبعد البيض تغمسينها بالدقيق بعد ما تخلصين ابدي بالقلي ملاحضه (لازم الزيت يصير مغطي الاصابع)
بعد ملاحضه اخرى تقدرين تستبدلين التونه بدجاج مفروم يكون مستوي من قبل او لحم مفروم
02-05-1428 هـ, 02:12 صباحاً
 
بعد عندك السبرينج رول بالدجاج
تقطعين البصل مربعات صغيره وتحركينه شوي على النار وتضيفين له الدجاج المقطع مكعبات زي الكودو مع ملح وبهارات وتحركينه على النار لين يستوي بعد ما يستوي ترفعينه عن النار و تضيفين له فلفل احمر بارد وفلفل اصفر بارد قصدي (فلفل رومي) يكون مقطع قد قطع الدجاج وتتضيفين له جبن كرفت شدر مبشور وتخلطينها مع بعض وتحشين السبرنج رول بعدها فرزنيها وبس تحتاجين لها طلعيها واذا بغيتيها مشويه
او ان كنتي بتقلينها احسن شي تغمسينها ببيض ودقيق حتى ما تتشرب زيت
02-05-1428 هـ, 02:35 صباحاً
 
وعندك فطاير السبانخ المقليه مقاديرها سهله
علبه قشطه
ملعقه بكنج باودر
كاس دقيق
تعجن مع بعض زين
الحشوه
تكونين ماسكه حزمه سبانخ ولقطي الورق حقها واغسليها زين بعدين نشفيها زين من المويه بعدها تحمسين شوي بصل بعد ما يشقر تضيفين له السبانخ والملح والبهار والماجي الابيض وتخلينها على النار لين ما تذبل تحطين عليها سماق
وتحشينها وتلفينها زي شكل السبانخ الي تعودنا عليه كانه مثلث
ملاحضه اذا كان بالسبانخ مويه بتفتح العجينه اثناء القلي عشان كذا حاولي تصفينها من المويه
وفرزنيها وبس تحتاجينها اقليها بالزيت
02-05-1428 هـ, 02:56 صباحاً
 


الساعة الآن 03:07 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏