مرحبا بكل من حدر موضوعي المتواضع

شحالكن يا حلوات؟؟

من غير ما اطول عليكم.. انا الله يسلمكم عندي موهبه الطبخ والحمد الله.. واحب اطبخ وايد.. و كل ربيعاتي يقولون لي استثمري هالموهبه و طبخي وبيعي.. و انا كنت متردده بس بعدين شاورت الاهل و قررت ابتدي.. والحمد الله انا باديه من اسبوعين و فيه طلب على اطباقي..

الحين سؤالي هو.. انا كيف احسب نسبه ربحي من تجارتي البسيطه هذه؟ انا اللي سويته اني حسبت كم تكلفني المواد الاساسيه و ضفت عليها مبلغ بسيط شغل ايدي وهذا يطلع قيمه الطبق الواحد.. بس ما اعرف احسب نسبه الربح.. اذا اي وحده عندها فكره تخبرني يزاكم الله خير..


والسموحه..

درب الوله
27-04-1428 هـ, 08:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
السلام عليكم

حطي لسته بقائمة امشتريات.....
و المواد المتجددة " الغاز مثلا "

شوفي كم تكلفك

شوفي هالمكونات كم طبق سوت ؟؟
قسمي ثمن التكلفة الكلية على عدد الاطباق ..زالناتج هو راس مالك لكل طبق ظيفي عليه الربح الي يناسب جهدك

بعدين شوفي الثمن الكلي للطبق ناقص راس المال " الناتج هو الربح "
27-04-1428 هـ, 10:28 صباحاً
 
شوفي في الاسبوع كم طبق طلع لك ؟؟؟؟ في الاسبوع الواحد كم صرفتي و كم دخلتي ؟؟؟؟

انصحك الارباح ما تمسكينها انما راس المال يرجع يشتغل و الرباح ركنيها لي تنهين فترة معينه " شهر مثلا "

بعدين زيدي راس مالك من نفس ارباحك و بالنتيجة راح تزيد الاطباق و راح يزيد الربح


و ظلك على نفس الدائرة كل فترة تزيدين راس مالك و تزيدين الانتاج و ترفعين نسبة للربح
27-04-1428 هـ, 10:32 صباحاً
 
هلا بك يا الغاليه
وفعلا ما دام عندك موهبة استثمريها في شي يفيدك ويدر عليك ربح خاصه ان كان عندك الوقت
وربنا يوفقك ويرزقك
ما شاء الله عليها الاخت اكسل فيرا كفت ووفت بالنسبة لحساب الربح كيف يكون

والله يوفقك ويوسع رزقك
27-04-1428 هـ, 11:51 صباحاً
 
الله يوفقك
27-04-1428 هـ, 02:46 مساءً
 


الساعة الآن 10:15 .