زواج الصغيره قبل الكبيره..ابدي رأيك

ترا الرابط اللي بنهاية الموضوع مدري وش سالفته !!

عليكم السلام ورحمه الله وبركاته..

أول شي ياأختي استخيري الله قبل تقدمي على اي شي..

ثاني شي زواجكِ قبل أختكِ الكبيره موضوع حساس جداً..

يمكن يأثر على أختكِ ووتقعد..

اذا كان الرجال كفؤ مثل ماقلتي وأختاركِ انتي ..

وأعجب والدكِ بس انه رافض يزوجكِ قبل أختكِ المفروض يقوله له هالشي..

اذا هو مستعد يصبر كان وبها ماعنده نيه الله يعوضكِ باللي احسن منه..

وطبعا يكون الموضوع مكتوم محد يعرف وخصوصا أختكِ اللي أكبر منكِ..

عشان مايكون بخاطرها شي..

ونظره المجتمع لأختكِ بعد زواجكِ ماتدرين يمكن تضرها..

أنتي عارفه كلام الناس!!

اما اذا كانت اختكِ هي اللي رافضه زواجها عشان دراسه وغيرها فهذا شي ثاني..

اعرف ناس كثير اذا هم مصممين يبون الصغيره يصبرون الى ان يجي رزق الكبيره..

ويكون موضوع خاص..

والله يكتب اللي فيه الخير..

والله اذا كان عمرك مناسب للزواج منتي صغيره حرام تفوتينه
في مجتمعنا هالموضوع صايرعادي مره ومنتشر

عموما اختك وش رايها ؟؟؟؟

الله يكتب لك اللي فيه خير لك دنيا واخره

حبيبتـــــــــــــــــــتي ذي النظرررررره قديمه والمفروض ابوك يكون واعي لهالنقطه
انا انخطبت وتزوجت قبل اختي اللي اكبر مني مع العلم انه بالسن اكبر مني ومنها بس النصيب وامــــــــــي ماردتهم وافقت وقالتكل بنت بتاخذ نصيبها
مااوقف قدام احد
وسبحان الله اختي تزوجت بعدي بسنه وبالعكس جدآ عااااااااادي لاتحسست ولا تعقدت كااااااانت مره مبسوطه بزواجي
مع العلم ان امي فاتحتها بالموضوع وماابدت اي اعتراض
وعلى فكرررره كان في واحد عنده ثلاث بنات
وكل اللي يتقدمون يجون يخطبون الصغيره وهو يرفض لين ماعاتبوه الناس وصححوا غلطه فزوج الصغيره بعدين جا نصيب الوسطى وتزوجت والكبيره وتزوجت
برأيي صلي استخاره واذا ارتحتي خلي امك تقنع ابوك واذا مافاد خلي احد من خوالك يكلمه او عمامك
فالرسول عليه الصلاة ةالسلام قال"من جاءكم من ترضون دينه وخلقه فزوجوه"
ماقال اذا جا للصغيره قال الكبيره ترفضوه اهم شي الدين والاخلاق وبالتوفيق حبيبتي

فاتحي امك بالموضوع وقولي لها لا تقطعوا نصيبي وهذي اقدار وارزاق موزعه
وامك توصله وتتفاهم معاه
حتى اختك تكلمي معاها تروح لابوكي وتقله انها موافقه ولاتعلقوا نصبيي بنصيبها
كلها ارزاق وكل مين يشوف رزقه
ونصيحه
لا تسكتي وتفاهم مع احد يقدر يوصل لابوكي بالمنطق والحكمة
والله الايام هذي شحوووو العرسان ونسبة العنوسه كل مالها بالطالع والبنات مملين البيوت
الله يوفقك يارب.