**********ّّعلى طاري((عودي زوجك)) تعالوا ************

السلام عليكم ورحمة الله وبركاته

بنات تتذكرون موضوع مميز (للاخت الفاضله شايفه):p اسمه عوديه خذي اللي يناسبك

انا من ايام الثانوي وانا بس اقرا مواضيع وسوالف المهم تزوجت قبل 8 شهور وانا اقول ماافي مثلي

خبره كني متزوجه لي عشر سنين من هالمواضيع فا احب كل وحده عروس قرت شي واستفادت واثر بحياتها تقول عليه

انا بالنسبه لي اكتشفت ان الاخ هو اللي قاعد يعودني على اللي يناسبه :09:

بس للحق استفدت اشياء كثير وتعلمت اشياء كثير مو شرط من النصايح احيانا تقرين كثير كاتبين مشاكلهم وتاخذين عبر

تعلمت انه اللي تصبر وتسكت على شي مو زين من البدايه تعرف انها طول عمرها بتعيشه يا تتأقلم يا تتخذ القرار الحاسم فيه
يعني مثلا مريت بهالموقف كنت مسافره انا وزوجي لشرم الشيخ بعد كم يوم اخذني زوجي على مكان زي المرقص انا كنت متحجبه اول ما دخلت مو مستوعبه تخيلوا المكان مضلم وانوار صفرا وحمرا ووحده عالبست ترقص وخمر كل شي جا فبالي بثوااني

يعني ممكن استحي من زوجي واقول عيب توي عروس والا ما انكد عليه بس انا جلست والاخ حاجز اول الطاولات والله ما كمل دقيقه الا دموعي اربع اربع يقول شفيك وانا صرت وحده ثانيه (والله اني شخصيه) خخخخخ

قلت طلعني قال طيب بس نشرب عصير شي قلت طلعنننننني.

مدري ليه صوره ابوي وامي والجامعه وصديقاتي والحرم وكل شي وانا اقول كيف هذي حياتي اهلي ماعمرهم قصروا بشي عايشين مثل الامرا الحمد الله محترمين لهم مكانهم بين الناس عندي مساحه حريه بكل شي بس عشان تزوجت خلاص كل المبادي تختفي بس طلع قلت له خذ فلوسك منهم ماجلسنا قال ما ابي خلاص نطلع نتمشى برى وطلعنا وهو يضحك يقول حنا بس نستكشف بعدها بفتره قلتله ماتتخيل شكثر كرهت بهالحظه انا ما ابي اقول لا تاخذني لهالاماكن انا ابيك انت ما تتنازل ما ابيك تجاهد انك ماتدخل وانت خاطرك فيها كان نفسي انك تعاف هالاجواء بس حسيت هالكلام اثر فيه

لكن لو سكت وبعد فتره سافرنا وقلت لا ماندخل بيقول خير ان شالله مو اول كنت راضيه وش غير الحال:26:

نفس الشي اللي تنظرب واللي تنسب واللي واللي لو اول ماتتزوج تمرر بيسير كل شي عادي وهي بتتعود اساسا محد راح يتقبل منها شكوى بعد فتره

انا احب زوجي مووت واذا صار بينا شي أظغط على نفسي واستقوي ترى بس قدامكم مسويه شخصيه والا بسراحه هو اللي مستقوي دايم

عالعموم دايم يجيني احساس اني بتطلق بدون سابق انذار من كثر ما زوجي عصبي على اشياء عاديه ادعولي ان ربي يهديه ويصلحه

:26: :26: