كيف تتخلصين من الهالات السوداء مجرب ومضمون باذن الله

السلام عليكم
كل اللي بقوله لا تلمسين تحت عينج ولا فوقها خير شر وهذا الاساس
لا تحطين اي كريم بالمنطقه ولا حواليها
حطي مره بالاسبوع زيت لوز للجسم ككل قبل الشور يعني اذا بسوين حمام مغربي وسونا بس
شربي سوائل كفايه اذا حسيتي بالعطش اعشاب شاي صيني ماء
اكلي سلطه يوميا على الغدا والعشا
لا تخلطين الفواكه بالاكل سواء لحم او دجاج او او عشان لا تتفخ البطن وتسويلج عسر هضم بالتالي يبين على بشرتج وياثر
نامي فتره كافيه باعتدال لا اكثر ولا اقل كثر ماتقدرين
رفهي عن نفسج مع الاهل والصديقات وغيري جو كثر ماتقدرين عشان ترتاح النفسيه بالتالي ترتاح البشره
قعدي في مكان فيه تهويه جيده وهوي الغرفه دايما عشان تتنفسين هواء نقي بيكون له تاثير على البشره
الاستغفاااااااااااااااار بكل وقت
لاتنسين اهم شي الصلاة ثم الصلاة ثم الصلاة وحسن النيه وتنظيف القلب من اوساخ الدنيا من سلوكيات وكذلك من افعال والقناعه باللي عندج والطموح للافضل يعني لا تعيشين تتذكرين اللي ضاع منج عيشي على امل اللي بتحققينه واسعي له بالعمل الجاد واستغلي كل المتاح من طرق مشروعه لتحقيقه خطوه خطوه وخلي عندج اهداف قصيرة المدى وطويلة المدى(اعمال خير يوميه او شهريه -حفظ سور من القران - ختمة قران-صلة رحم- بر والدين- تواصل بالمسجات مع الصديقات اللي ماشفتيهم من شهور او اسابيع -الخ -تسديد قسط الفيزا الشهري - تجميع مبلغ للزمن- تجميع مبلغ لهديه بمناسبه خاصه او اجتماعيه- تطوير شخصيه بقراءة كتب تثقيفيه مثل NLP اخذ دورات لغات تعليم طبخ الخ)
هذا اللي جربته وفاد في اني حمدالله تخلصت من الهالات السود معنه دوامي شفتات واضطر بعض الاحيان اني اسهر لوقت متاخر بس حمدالله مااشتكي من الهلات وحبيت افيدكم فيها خلاصتها عيشي يومج