السلام عليكم

يا جماعة الخير

أعرف انكم الحلى و أهل الحلى كلللللللللللللللللللللله

فلهذا وعدت اخوي و انا واثقة انكم ماراح تخيبوني


الشغلات اللي عندي

باونتي - جالكسي - كت كات - كورن فليكس - شكولاته هيرشي - بسكويت الشاي - حليب نستله - كريم كرامل

هذه كلها متوفرة و اكيد في اشياء ثانية انا ما ادري عنها

بس ياليت تبدعوا لي بحلى يناسب طلعة على البحر

بانتظاركم يا حلوات
04-05-1428 هـ, 03:28 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
مرحبا ابنقلك اللي عندي طبعا كلهم من المنتدى...
حلى التويكس
المقادير
- ثلاث أصابع توكس
- علبتان قشطة
- بكت كريم كرميل
- كيسين دريم ويب
- قليل من الحليب
- علبة بسكوت شاهي
- فنجال حليب سائل مع ذرة نسكافة
الطريقة
تخلط جميع المقادير في الخلاط ثم يغمس البسكوت بحليب مع نسكافه وتصف طبقتين ثم يصب الخليط عليه ويزين بالفستق المدقوق
يكفي هذا المقدار لصينية صغير بايركس
...................................................

حـــلــــى المــارس
المقادير
بسكويت شـا ي + علبتين كريمه + 2- قشطه + حبتين مارس كبيره + فانيليا

الطريقة
يغمس البسكويت ثلاث طبقات في صينيه ثم توضع الكريمه والقشطه والمارس في الخلاط ثم تصب فوق البسكويت وتدخل في الثلاجه ..
.......................................
الباونتي
خواتي شو فو ها الحلا وان شا اللله يعجبكم ويعجب ظيوفكم

المقادير :
3 كاسات جوز الهند
1 علبة حليب نستله محلى كبير
1 علبة قشطة
6 حبات شو كولاته جالاكسي

الطريقة :
يخلط جوووز الهند مع الحليب ويعجن جيدا
تذووووب الجالاكسي على حمام مائي وتخلط با الخلاط مع القشطة
يعمل جوز الهند على هيئة كووووور
ثم يغمس با الجالاكسي ويوضع با الثلاجة حتى يبرد جيدا
ويوضع في ورق بليسيه وبا العافية


مالقيت الا هذولي وان شاء الله تلاقي حاجة تعجبك.....
04-05-1428 هـ, 03:55 صباحاً
 
up
04-05-1428 هـ, 08:36 صباحاً
 
:: مرحبا حبيبتي انا اعطج طريقة حلوه بسكويت الشاي غمسية بشوية حليب سائل وبعدين صفية في صينية الي انتي تبين تاخذينها وحطي شوي بالخلاطة الي عندج دريم ويب 2 مع جبن كيري 6 قطع او جبنة دلفيا الجبنة الي انتي تحبين مع قشطة اي نوع وحطي علبتين افضل خليهم لين يثقل قوامة وطبعا شوي من الحليب السائل ولا تزيدينهم خليه ثقيل وبعدين صبيهم فوق البسكويت بالتساوي وحطيهم بالثلاجة لين يمسك معاج لليلحين ماخلصت بقي شي الطبقة الاخيرة جيبي علبة بيبسي وكريم كراميل واحد البودة وحطيهم علي قدر وحركيهم لين يتجانس مع بعض و سخنيهم شوي وشيليهم من النار حتي يبرد بس لا تحطينة بالثلاجة لا طلعي الصينية البسكويت الي بالثلاجة وتاكدي انة الدريم ويب اوالخلطة البيضة انا اسميها تماسكت وحطي بالاخير خلطة البيبسي من فوق وفرديها عليها ورجعيها لثلاجة لين تطلعون البحر وعليكم بالعافية وادعيلي اذا سويتيها واعجبتج لحظة ممكن تسوين البسكويت علي طبقات وكل طبقة فيها خلطة الدريم الي سويناه ومتاكده انها تعجبك كثير
04-05-1428 هـ, 10:50 صباحاً
 
محبة الماضي

غيلانة

غيوورة

مشكورين يا حلوات و عسى الله يحقق امانيكم يارب العالمين

و ***** الله اخبركم بالحلى الطيب
04-05-1428 هـ, 09:58 مساءً
 


الساعة الآن 06:02 .