طريقة الرز مع نص الذبيحه
خذي نص الذبيحه اغسليها عاد وانتي براحتك تبينهم بكبرها في الصحن والا مقطعه وحطيها في قدر مع هيل وقرنفل وبودرة الزعفران وخليها تطبخ الى قبل ماتستوي بشوي اضيفي الملح وعند ما تستوي
عقب شيلي اللحم وحطيه بصينية وداهنتها بزيت ومدخلته الفرن يتحمر..
حطي 6 كاسات رز على مرقة اللحم مع ملاحظه الماء اذا اكثر او اقل وحطي شوي زيت وخليها تطبخ عاااااااادي كنها رز ابيض طبيعي مافيه اي شي
واذا استوى الرز ولعي جمرة عالنار وخليها الى ما تشعل وغطسيها في صحن صغير فيه زيت شوي ودخليها بسرعة في قدر الرز الكبير وخلي الرز يكتسب نكهة الجمر والكل طبعاً بيحسبه مندي متعوب عليه
وفي السفرة رشي عليه حلقات بيض مسلوق وبصل وزبيب ومكسرات

طبعا نجي للرز الابيض

طبعا رز حبه طويله انا استخدم البيشاور اسلقي الماي لين يفوح حطي الملح والماجي الابيض حق الرز الابيض وعقب حطي الرز وانتبهي له لين يصير مستوي بس حبه كامله عشان لين طبخ واجد يصير لين وتتكسر الحبه وعقب اشخليه في مشخاله اشوي لين يتصفى الماي ورجعيه في القدر ورشيه ماي ورد منقوع فيه زعفران واتركيه تحت نار هاديه شوي وطفي عنه وعقب حطيه في الصحن ورشي عليه كشنة بصل مع مكسرات

وبالعافيه
08-05-1428 هـ, 02:01 صباحاً
 
الصور مي ظاهره عندي ياليت تحمليهم مرة ثانيه
08-05-1428 هـ, 03:08 صباحاً
 
ماشاء الله تبارك الرحمن

بوفيه يهببببببببببببل

ماقصرتي ياذوووق

وتسلم الايادي

الله يديم عليكم هالنعمه يالغلا


08-05-1428 هـ, 04:08 صباحاً
 
ايام اول وينك

مارديتي على سؤالي
08-05-1428 هـ, 06:08 صباحاً
 
ما شاء الله.....تبارك الله
فن ..ذوق..ترتيب...
08-05-1428 هـ, 06:22 صباحاً
 


الساعة الآن 09:20 .