في وحده منكم سجن قريبها بظلم ؟؟؟ وش سالفة التعويض؟؟بذكر لكم قصه زوج خالتي..

السلام عليكم ورحمة الله وبركاته
يؤلمني كثير مايتعرض له شباب اليوم من شباب صالحين
بالذات المطاوعه يعني اللي يربي لحيه صاروا يشكون فيه
مع انه ( مو كل من ربى لحيه يعني انسان متدين بعضهم شكل والله اعلم بالنوايا ولا كل حليق فاسق الكثير منهم مشهود لهم بالخير )
طيب انتي وش تبين؟؟؟ راح اذكر لكم قصه زوج خالتي اللي سجن
خالتي وحده من اللي تعرض زوجها للمداهمه وفي بيتيها
كانوا توهم مالهم الا اسبوعين يؤثثون شقتهم الصغيرة سكنوا بعد ماكانوا مشتتين بحكم الدراسه
وفجاة يطقوا الباب ويقولوا لزوجها نزل السلاح
اي سلاح يابطيخ
( حتى مسدس لعبه ماعندهم ياحمزة )
ويقلبوا البيت فوق تحت
وتدخل حرمه قالك تحرس خالتي لا يكون عندها متفجرات وتسالها خالتي ولا تجاوب وفي النهايه تصارخ الحرمه على خالتي طيب ماعندك اسلوب تتكلمين به وتوضحين لها
طيب خالتي ماهي داريه وش الطبخه وش سالفه الناس؟؟
حسبي الله ونعم الوكيل
اخذوه في رمضان وتركوه في سجن انفرادي
تركوه 5 اسابيع واضرب عن الاكل وانتم عارفين رمضان والدعاء اكثر اجابه للدعوى
ثم قالوله

احنا آآآآآآآآآآآآآسفين سامحنا اشتبهنا فيك
ومع كذى مخلينه هم اصلا طلعوه
اخذوه في نهار رمضان وخالتي صايمه دعت عليهم واحد واحد من اسلوبهم البايخ
لاتقولون ليش تدعي
من قهرها الناس برى تناظر والشرطه قفلت الشوراع اللي يشوف يقول بس هذا الانسان بيخطط للا نفجار
ماشاف اهله طول رمضان وحتى العيد وماطلع الا شهر 11 يعني من شهر 9 الى 11 ثلاث شهور مسجون بظلم ترك وظيفته والكل عرف والشامت شمت والصديق دعى له هذا غير الله اعلم وش سوو به هل عذبوه والا لا والزيارة وماادراك مالزيارة يالله يخلون اهله هي مرتين زارووه ولا تقدر تكلمه تطمن عليه شفتم
وهو مشهود له بالخير والحمد لله كان في خارج السعوديه في بلاد مسلمه بالكلمه بس مايعرفون الصلاة والصيام وسخر جهده ووقته لتعليمهم مع اخوانه من المسلمين
وفي النهايه ياخذونه بهالاسلوب
الحين طلع وله فترة والحمد لله مشت امورهم والله وفقه

الحين خالتي تسأل
وين التعويض اللي تكلموا عنه في الجرايد وقالوا بيعوضون كل مسجون بالظلم الف ريال عن كل يوم
طبعا هي اللي تطالب اما زوجها يقول
لو يعوضوا مليون مازلت متالم من اسلوبهم لكن الله يسامحهم
هل هذا كان كلام جرايد
اي وحده تعرف عن الموضوع شي
تفيدنا ولها دعوة من القلب
على الاقل يمكن هالشي يزيل شي من القلب مع انه ماظنيت
ومعلوم ان هالشي ابتلاء من الله
الله يكتب لها الاجر ويبعد عنهم كل مكروه