ياطبخات ياذويقات يافنانات ياسنعات مساكم الله بالخير

انا حامل وتعبانه بحملي وذبحني الجوع وماعاد اتحمل اكل المطاعم لانفسيا ولاماديا ولا (طعميآ)

بتقولون ليش ماتطبخين؟؟؟ على يدينك نقش الحنا!!!!!

يعلم ربي اني احاول لكن اتعب لاني عندي مشاكل بحملي من نزول مشيمه ومويات وانذار بولاده مبكره واللام شديده ومستمره بالظهر واساسا ممنوعه من الحركه بس مااسمع الكلام وووووووو<---قسم الحمل والولاده مو الطبخ

فطالبتكم يالغاليات ابي طبخات او سندوتشات او تصبيرات اللي يجي منكم طيب وحلو لكن بسيط ومو مجهد بالوقت والشغل

يارب يوصلكم طلبي وانتوا بصحه وعافيه وتساعدون اخيتكم اللي دقه الجوع

الحوامل يسمنون وهي تنحف
جمل متكرره في المنتدى عقدتني

*عشره داخلين موضوعي ومااحد رد.. ((لعلمك فيه زوار يقرون المواضيع))

*زوجي هزئني وضربني الحل البسي احمر وولعي شموع

*__________________مشفر خايفه من بنات المنتدى لتكرر هالجمله بالذات

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ياعمري ياعسا الله يشفيج ويولدج بالسلامه ياعمري
في طبخات منقوله من اخت عزيزه بس من منتدى ثاني وانا بنسخهم لج يارب يعجبوونج


اول شي الشوربات اخذي شوربة جاهزة خلاصة الدجاج من كنو سويها عادي وضيفيلها قفشتين شوفان وكيفج جان تبين تحطين دياي مسحب او ذرة او بطاط (انا اطحن شوي من البطاط معاها بالخلاط) او مشروم او بروكلي او كوسا مع نص علبة كريمة تصير أقدع شوربة وغيري كل يوم سوي نوع غير ..

والأكلات ماكو اسهل من الكفته بالكريمة .. تقلين الكفته .. وتحمسين بصل ومشروم ومكهب ماجي وبهارات على كتر .. تحطين الحمسة بالبايركس وفوقها الكفتة وعلبة كريمة واذا تحبين حطي فوقها جبن موزاريلا ودخليها الفرن 10 دقايق وخلصنا ...

نفس الطريقة الجكن ناجيتس تقلينهم اذا مستعيلة (انا احطهم بالفرن اخف) وتقصين كل وحدة الى 2 .. تحمسين جزر مقطع طوال وذرة وفلفل اخضر مع زبدة وبهارات وشوي ماجي وتحطينهم بالبايركس .. وتحطين الناجيتس فوقهم .. والكريمة .. وبالفرن

المعكرونة ما تبي شي تفوحينها وتحمسين بصل ومشروم وشاورما امريكانا وماجي وبعدين تحطين المعكرونة فوقهم والكريمة (لاحظي ان اكلي كله كريما .. احبهااااااااااا) ..

او معكرونة دياي او لحم مفروم مع صلصة حمرا ... ماتبي شي واذا مستعيلة سوي معكرونة مع مرتديلا او سوسج وصلصة بيتزا وفوقها جين موزاريلا لذييذة ..

اذا تبين شي مع صلصة حمرا سهل اخذي الهمبرجر سويه مثل ماتبين وقصصيه .. وقطعي بطاط وكوسا وجزر وطماط وبصل صفيهم بصينية الفرن مع ماجي ومعجون طماط وبهارات وحطي الهمبرجر المقطع معاهم وبالفرن يطلع لذييذ ..

مسخن الدياي ما يبي شي اخذي صاج جاهز .. وحشيه بحمسة الدياي (دياي مسحب او شاورما امريكانا + بصل + سماق + زيت زيتون + صنوبر + بهار) ...


واحسنلج يوم اللي تكونين فاضية فوحي دياية وسحبيها سويها مثل الشاورما صغار وحطيها باجياس التوست الصغار وبالفريزر ... ومتى ما بغيتي تسوين اي اكلة اخذيلج جيس احسن واسهل واسرع
اللهم ارحم جدتي واجدادي ومحمود وارحم اميرنا جابر وابونا سعد واوسع مدخلهم ونقهم من الذنوب والخطايا كما ينقى الثوب الابيض من الدنس
تميميه كويتيه يابعد عمري وعيني تسلميلي ياذوق وبطبع الصفحه وبعلقها على ثلاجتي

ودي اسئلك .........امممم

1_ايش تقصدين بعلبة الكريما

2_الكفته ينفع كفتة البطاطا الجاهزه؟وايش افضل نوع

3_مافهمت ايش يعني شورما امريكانا...هل تجي جاهزه

4_الدجاج المسحب يعني اكشنه مع طماط وبصل وبهارات

ادري اني كثيرة غلبه بس تحمليني حامل وجوعانه (:

شكرا يالغلا
جمل متكرره في المنتدى عقدتني

*عشره داخلين موضوعي ومااحد رد.. ((لعلمك فيه زوار يقرون المواضيع))

*زوجي هزئني وضربني الحل البسي احمر وولعي شموع

*__________________مشفر خايفه من بنات المنتدى لتكرر هالجمله بالذات
يا اختي فيه بعض الخادمات الي يجون بالساعه يطبخون ليش ماتجيبين وحده تطبخ لك وتفرزن وانتي بس سخني .
[IMG]



[/IMG]
ربنا يعينك وتكملى حملك على خير
وتقومى بالف سلامه ان شاء الله

والله وانا بقرا كلامك افتكرت نفسى وحسيت بيكى
لان انا كمان بكون زيك فى الحمل
وبعمل الاكل بطلوع الروح

بس كان بيصعب عليا زوجى وبنتى
وكنت باحاول اعمل ابسط الاشياء

يعنى لحوم او فراخ
ارز اومكرونه
شوربه
وسلطه " ضروريه جدا "

وربنا معاكى ان شاء الله


الساعة الآن 11:42 .