السلام عليكم ورحمة الله

اخواتي هذي بعض ملاحظاتي اتمنى تنتبهون لها والله تعبنا

1-اللي تحط ملف الله يجزاها خير لكن ياليت تحط الاطباق ورى بعضها مو افتح 100صفحه علشان
اشوف طبخه..!! يعني الوقت يروح وانا ادور غير راسي يعورني على طول وانا افرفر
والبعض يعاني من تكاليف النت..!! يعني راعونا شوي
واذا قلتوا اكيد ماعندها وقت انا معاكم لكن تجهز الملف كااااااااااااااااامل
قبل تنزله على المنتدى وبعدين تسويله نسخ..

2-اللي تحط بوفيه الله يجزاها خير لكن تقول اذا تبون الطرق قولولي..!!
اجل ليش حاطته علشان نشوفه بس..!! وعاد اقعد ادور وافرفر بين الصفحات
ادور الطرق وكل طبق بينه وبين الثاني 20صفحه ويالييييييييييل مااطولك..!!!
تعبناااااااا والله الوقت يضيع..!!

3-اللي تحط طبخه الله يجزاها خير لكن تقول هذي مااخذتها من فلانه
ونص البنات مايعرفون فلانه وبعدين يااختي حطي الرابط الله لايهينك بموضوع
وانتهينا..!! لازم نشحذ الرابط يعني..!!!

4-اللي تكتب طريقه الله يجزاها خير لكن تقول مثلا ملعقه زيت طيب في ملعقه صغيره
وفي ملعقه كبيره او كوب جبن طيب في كوب كبير
وفي صغير..!! حددي من اول لازم نسال واقعد ادور بالصفحات
ويارب ارحمني..!!!

هذي ملاحظاتي والله يجزا كل من خطت لنا طبق بالخير والجنه والسعاده دنيا واخره
10-05-1428 هـ, 04:52 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقك أختي على التنبيه
تحياتي
10-05-1428 هـ, 05:12 مساءً
 
ان شاء الله يتقيدالبنات بما تفضلتى به عيونى
وجزاك الله واياهم كل خير
10-05-1428 هـ, 05:13 مساءً
 
ان شاء الله البنات يتقيدوا
حتى انا تقهرنى سالفة الى يبى المقادير يسالنى
10-05-1428 هـ, 05:17 مساءً
 
اي والله اختي ملاحظاتك في محلها ..جزاك الله خير..
10-05-1428 هـ, 05:42 مساءً
 


الساعة الآن 05:43 .