موضوعي هذا اهدء لكل حامل ونفساء
وخاصة اني ما شفت احد كتب عن هالدهون الممتاز
تعرفون المخايط :
وهي خياطه الشق الجراحي بعد الولاده وهي مجموعه من الغرز حسب الشق
وهي تقعد من 10 ايام الى 15 للي طبيعي اما اذا التهبت تطول وتقعد اكثر وتحوس الدنيا
وهذا دهون تدهن فيه المنطقه يساعد على :
الالتأم بسرعه وتطيح الخيوط
ويمنع الحكه والجفاف في المكان
وطبيعي ومامون مافيه اي اضرار من استعماله
وهو عباره عن :
زيت زيتون - كاس
مره - فنجال
خوا جوا - فنجال
الطريقة :
تغسلين المره وبعد ما تنشف تطحنينها
تغسلين الخوا جوا وبعد ماينشف تفركينه ناعم او تطحنينه
يكون الحين عندك جاهز فجال مره مطحونه ونظيفه + فنجال خواجوا ناعم ونضيف
تصبين زيت الزيتون بقدر ومعاه المره والخوجوا
وتحطينه على النار الى حين الغليان وتطفينه وتتركينه يبرد
بعدها حطيه في علبه وسكريها وخليه فترة ينقع
طريقه الاستخدام :
عند الاستخدام صفي كميه وبعدين ادهني بقطنه المخايط فيها
اذا تخافين صبي على الفوطه كميه
( ملاحظه : يطلع لونه احمر فوشي تراه لون الخوا جوا )
للاستعمال الخارجي فقط
والله يهون علينا كلنا ويقومنا بالسلامه
ما ابي منكم الا الدعاء فقط