اهلين اختي حبيت اساعدك بصراحه السنه اللي فاتت سافرت لصلاله واتمنى اروح مره ثانيه لانها طبيعه ولا في الخيال كل الارض مروج خضراء وجو حلو لكن اقولك سافرت بالسياره من الرياض الى صلاله الطريق طويل ومتعب لكن لما وصلنا نسينا انا وزوجي وولدي فقط سكنا فندق الهناء سعر رخيص وافطار مجاني ومافيها اسواق الا سوبر ماركت اللؤلؤه قدام الفندق مباشره ومطعمين اكلهم صيني رخيص ولذيذ بالمره مافيها اسواق لكن يقام فيها مهرجانات بدايه الخريف عندهم ويكون عباره عن معرض صناعات في ركن والعاب وملاهي بركن ومطاعم ركن وحيوانات بركن وبصراحه حلوه مامليت منها واذا بغيتي زياده معلومات مستعده على فكره ماعمري شفت مثل طيبة اهلها خدومين للغايه ومحترمين0
26-03-1424 هـ, 03:01 صباحاً
 
انا زرت صلاله مرتين اول مره كان عمري 9 سنين وثاني مره 18 سنه
واهل عمان اصلا معروفين بالكرم والطيبه والاحتشام
واحنا ما نسكن في الفنادق , نستاجر بيوت او شقق مفروشه
واحلى شي يوم انسير نشرب عصير قصب السكر وجوز الهند
وكنا نطلع رحلات , مثلا زرنا ظلكوت وهي تبعد 180 كيلو عن صلاله على حدود اليمن
وعندج قبر النبي ايوب وعمران عليهم السلام
وعندج منطقة المغسيل اتشوفين النوافير الي تطلع من الارض
وبعد المهرجان الي ايسوونه كل سنه فيه العاب حلوه مثل الي عندنا
ويسون معارض بعد
وانسب وقت هو ما بين شهر7 - 9
26-03-1424 هـ, 03:53 صباحاً
 
هلا بنات تكفون تكلمو عن صلاله .................وكم المده يعني اسبواع كافي واخذ والدي معنا ولا تنفع رومنسيه ؟؟؟؟؟؟؟؟

تعرفون بعد سارس مافيه لاروباء ولاغيرها .........مافيه لادول الخليج الله يحفظها ؟؟؟

انا شخصيا اموت في الامارات ؟؟؟؟؟بس حر شهر 8 ميلادي
بنات ابي اسلكم عن فندق الهلتون ؟؟؟؟؟؟؟؟؟؟؟؟؟ظمن شافه او سكن فيه وسمعت انه فيه قريه سياحيه ؟؟؟؟؟؟؟؟

جوبوني تران علي جمر ؟؟وشريكم تنفع ومع اطفالي ؟؟؟؟؟؟؟؟؟ولا انا وابو شباب بس
27-03-1424 هـ, 06:59 مساءً
 
اهلين اختي ام عبودي وبصراحه صلاله احلى بلد خليجي طبيعه وجو , واسبوع كافي ,ولدك اذا كان يمشي فالافضل انك تاخذينه لانك يمكن ماراح تنبسطين من دونه , الهيلتون كان فل والهوليدي كان بعيد شوي عن وسط المدينه لكن فيه فنادق ثانيه في ظفار يمكن تعجبك ,فيها العديد من المعالم التاريخيه مثل مدينه البليد الاثريه والاضرحه وقلعه مرباط والعيون ومع بدايه الخريف يقام مهرجانين واحد تبع مركز البلديه والثاني مهرجان سمهرام ولا تفوتك البنت المسحوره بالجره في مركز البلديه 0
27-03-1424 هـ, 10:01 مساءً
 
:24: هلاوالله فيش في صلالة والله اعتقد انكي ما راح تملين منها بسبب جوها الساحر واهلها المحترمين ويبدا الخريف في 20/6:24: :24:
30-03-1424 هـ, 08:33 مساءً
 


الساعة الآن 11:38 .