السلام عليكم ورحمة الله وبركاته
يابنات حواء الحقوني..راسي له 4ايام مصدع ولا اقدر اكل اي مسكنات لاني حامل.. والسبه اذني اليسار احس داخلها مويه ومو عارفه وش اسوي لاليلي ليل ولا نهاري نهار... وش اسوي بعمري احس اني مااسمع فيها حتى وفيها اصوات غريبه وكني مو على الدنيا من الالم....تكفوووووووووووووووووو ن ساعدوني

تعرفي نبات الخزامى غالبا موجود عند العطار ؟
وش اسوي فيه طيب ؟
روحي للدكتور او ورشي جوا ودنك رشه اي نوع برفان رشه واحده لا ن به كحول يطهر من الالتهابات وربنا يشفيكي
يارب لك الحمدكماينبغي لجلال وجهك ولعظيم سلطانك
اللهم صلي علي سيدنا محمد عدد ما احاط به علمك وخط به قلمك واحصاه كتابك
اللهم اغفر لي ولوالدي وللمؤمنين والمؤمنات الاحياء منهم والاموات الي يوم الدين
ياحي ياقيوم برحمتك نستغيث
حبيبتي سلامتج من الشر ****لة هذي الوصفة من الطب النبوي والله اني جريتها بعد ما انصحتني خالتي الغالية .. الله يجازيها خير ***** **** ...

كنت اعاني من اذني ماتم أشعة ولا طبييب ولا مضاد حيوي ولا قطرة أذن خففت الألم بل زاد وكنت احس باختلال التوازن وأبكي من الألم ...

1.باختصار روحي مطبخكم واخذي فص ثوم بقشرة ويكون وسط موكبير .
2. اخذي مقلاة ناشفة وضعيها على النار .
3. قلبي فص أو فصين الثومة بقشرها كأنك تشوينها مع تقليبها بكل الجوانب بالملعقة .
4. اذا اصبح لونها اشقر بني خلاص قشريها ونفخي شوي عليها عشان تبريدنها قليلا وسدي بها اذنك بس بشويش وخلي الجزء الضعيف داخل الاذن وطرفها بالخارج عشان ماتتوهقين لما تسحبينها .
5. ارتاحي وتمددي وحسي باحساس عجيب من الراحة وبعد فترة دقايق قليلة ، سحبي الثومة ومسحي الاذن من الخارج من الماء والرطوبة بكلينكس ناشف .

*** كرريها مرتين - 3 مرات يوميا ، حتى زوال الألم ***** الله .

ادعيلي حبيبتي ان الله يشافي ولدي بدر من مرضه ...يارب ...

وسلامات يالغالية .. وبشريني بالنتائج


الساعة الآن 08:56 .