Analysis Services
السلام عليكم ورحمة الله وبركاته

شلونكم ... شخباركم ...

آنا شفت المنتدى وعجبني وايد لأنه يُلم بأمور الطبخ

وما شاء الله كل العضوات طباخات ماهرات عيني عليهم باردة

وبما إني مبتدئة في الطبخ حبيت استفسر عن كذا شغلة في الفطاير

وأتمنى تفيدوني (هي حقيقة أسئلة محرجة مثل ما قلت لكم إني مبتدئة)

الفطاير اي قد مدة تخمرها خاصة إني استخدم الخميرة الفورية الناعمة وسمعت إنها تفسد بسرعة

ولما احطها في الفرن تستوي في ربع ساعة أو كثر وشنو درجة الحرارة المناسبة لها

ولما ابغي اسخن الفرن قبل لا احط الفطاير شنو درجة الحرارة اخليها وافتح فوق وتحت لو بس تحت

واذا دخلت الفطاير الفرن افتح الفرن من فوق وتحت لو بس تحت وبعدين افتح فوق (بعد جم دقيقة

يعني؟) واذا فتحت الفرن عشان اولع فوق هذا ما يأثر على الفطاير (يعني يمكن لازم ما افتحة تالي

يدخل هواء ولا شي) وشلون اعرف الفطاير استوت خلاص.

وإن شاء الله ما اكون ثقلت عليكم بأسئلتي

ومشكورين مقدماً
20-05-1428 هـ, 06:35 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لو سمحتون ساعدوني لاني ابي اسوي

الفطاير وهذي الاشياء اللي سألت عنها مو متأكدة منها
20-05-1428 هـ, 11:00 مساءً
 
مدة خميرة الفطاير بالكثير ربع ساعه

تفسد الخميره اذا كانت برا اكثر من ساعه من غير استخدام خصوصا وقت الحر

اذا دخلتي الفطاير الفرن ولعي عليها من تحت وبعد ماتستوي افتحي عليها فوق تتحمر

مايصير شي للفطاير اذا فتحتي الفرن وماهي زي الكيك تخرب او يصير لها شي

تعرفي ان الفطاير استوت بالملعقه الملساء شيليها من تحت واذا احمر تكون استوت واذا لا يبغى لها وقت

ان شاء الله اكون افدتك
21-05-1428 هـ, 12:05 صباحاً
 
إسئلي حبيبتي على راحتك الأخوات هنا مايقصرون والأخت الغريبه قامت بالواجب تمنياتي لك بحياة سعيده
21-05-1428 هـ, 12:50 صباحاً
 
الغريبه

مشكــوووورة اختي على المساعدة

يعطيج الله العافية افدتيني وااااايد

البكريه

صحيح

مشكــووورة اختي على الرد يعطيج العافية
21-05-1428 هـ, 02:16 مساءً
 


الساعة الآن 11:23 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏