اساطير علبةببسي لاتفوتكم خيااااااااال ..>> قديم <<

دائما اتعرض لاساطير واكاذيب قوية لاتخش العقل ولاتمر من عنده
ولكن صغر السن والدباشة لها دور كبير في تصديق بعض الاساطير
مثل:
كانت امي لما كنا صغار تحت ال7 سنوات تخوفنا بوحشة>>>>> لاحظو انثى
تسميها عافية الله


نعم والله تسميها عافية الله ولكن كنا نسمعها بصيغة اخرى

هكذا: عافي تالله:42:

وكنت اكره هـ العافي تالله وانتظر موتها بفاااااارغ الصبر كونها لا تاتي الا اذا صرت شايشة واصيخ واصارخ واتدلع >>>> تجي عافي تالله تخرب علي صفو دلعي وملاغتي >>> تراها ماتدري وش معنى ملاغتي

المهم

ان هـ العافي تالله كلما حست امي اني بديت اشيش
قالت: ترى بنادي عافي تالله
اقول : لالالالالالالالالالالا اتوووووووووووب

وكنت اتخيل شكلها
عباة سوداء لها خشة بيضا كبيرة>>>> حلوها عاد انتم
وهي من النوع اللي يطير ماتركد
بس تجي تمر زي الخفاش وتخطفني انا من بد الاطفال وتاكلني لاني حلوة>>> تعلمينهم يعني؟؟

المهم دايم اسب عافي تالله وادعي انها ماتجيني وماتقربني ولا اشفها>>> استغفر الله تحسفت

ويوم عرفت معناها اقسم بالله جتني صدمة >>> طبعا بعد مادخلت المدرسة
احس اني ارفس النعمه بيدي
معقولة عافية الله كانت بتجيني وانا انحاش عنها وادعي عليها

حقدت على امي بقووووووووووووووة

ـــــــــــــ

ومن ضمن الاساطيــــر

الظاهر والله اعلم هم ما اخترعو صفارة الانذار الا يوم انخلقت انا لانها تشبه صوتي مررررة
المهم طبعا اذا بغيت الشي والله ان جيران جيراننا يسمعوني
وبنتهم مرة فشلتني قالت استحي على وجهم وش هاللسان>>>> ودي اني قاصة لساني كرهت نفسي

المهم امي ملت من هالوضع قالت لازم اجيب حل
جابت لي كتاب طبي فيه صورة بنت كان رجال ومرة ماسكين فمها مفتوووووح ع الاخر مسكينة
قال امي هذي البنت صاحت وغشيت على اهلها وانفتح اثمها ولاعاد انصك مسيكينة
قسم بالله ماتتصورون وشلون حزنت عليها ودي اسافر بها تتعالج صرت ما انام الليل اخاف يصيبني ماصابها والله حالتي النفسية صارت زفت بسببها وانا عمري 5 سنوات ان لم يكن اقل
المهم كلما فقيت اثمي علطول امي تجيب الكتاب
قسم بالله يابنات بدون شعور اقطم الصيحة تسن مافيني شي
واجلس اشوف هالبنية واتحسر على طفولتها وانسى المشاكل واشيل هم هالامريكية اللي في الكتاب
والله العظيم يابنات اني ماكذب كلما فقيت خشتي امي تذكرني بخشتها والا توريني الصورة وعلطول بوم اسكت ولا كلمة واقعد اتحسر على شبابها

ويوم كبرت ودخلت المدرسة كنت مازلت مصدقة لقيت البنت اله يخلف يورونا شلون ترتيب اسنانها:icon28: :42: :eek: :35: :boom:




فهل اجد مثلي تعرض لاساطير؟؟؟؟؟
مااعتقد