بنات ولدي معه امساك شديد على قد ماأقول يمكن ماراح اقدر اوصفه...
يعني يجلس حوالي خمس ايام مايسوي شي....
واذا جاه والله كنه ولاده وزحير وكرب ابد كنه طلعت راس ويالله يعني لازم انا اساعده افك الحفاظه وانتم بكرامه وامسك رجلينه والله اتذكر الولاده...
واذا خلص يطلع آخر شي دم خفيف ومن التعب ينام المسيكين.
ولدي عمره 11 شهر
ومن كم اسبوع وديته لدكتوره وعطتني ملين الحمد لله مع الملين يمشي حاله بس كثير مامدحولي استمر عليه فإذا وقفته يرجع حالته زي اول...
مشكلته عصير البرتقال يسبب له حساسيه والتفاح مايقبله ماأدري وش الحل معه؟؟؟
أنا اتوقع معه زي الشرخ بالمستقيم علشان الدم اللي ينزل معه او ضيق بس مابدى معه الا من كم شهر تقريباً شهرين...
بنات الله يجزاكم خير اي وحده عندها خبره تساعدني....
23-05-1428 هـ, 08:15 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله بنت اخويه من يوم ماولدت كان عندها امساك وادينها تمر مخلوط في الخلاط مع مويه والحمد لله ذحين راح منها وهي عمرها ذحين ثلاثه شهور او جربي اخلطي 7 او9 تمرات مع حليب وصفيه واعطيه وان شاء الله ينفع معه الله يشفيه ويخليه لك
23-05-1428 هـ, 09:15 مساءً
 
جربي اعطيه مغلي اليانسون مفيد للمغص والامساك ,انا ولدي مايخرج الا بعد مايشربه
24-05-1428 هـ, 01:07 صباحاً
 
يمكن المشكلة في الحليب اذا انتي تستخدمي له سيرلاك مع الحليب جربي تعطيه الحليب لوحدة واذاانتي تستخدمي له حليب بس حاولي تخفيفنه ومايشوف شر
24-05-1428 هـ, 01:48 صباحاً
 
التمر ممتاز جدا جدا كل يوم عطيه 3 تمرات ومايشوف شر بإذن الله واذا كان معه مغص عطيه مغلي اليانسون مع الكراويه او البابونج
24-05-1428 هـ, 06:57 صباحاً
 


الساعة الآن 10:17 .