اخواتي السلام عليكم ورحمه الله وبركاته




حياكم الله اخواتي

بكتب لكم عن طريقه تخلي روائح النظافه و العطور تفوح من كل مكان فى بيتك

وميزتها انها تضل فتره طويله وخاصه لمجالس الرجال والحريم

اول شي
ابتدي بالتنظيف لانه اهم شي-------------- النظافه اهم من التعطير مافيه فايده من تعطير مكان غير نظيف ركزي على تحت الكنبات وخلفها لان ممكن الاطفال يرمو شي من الحلو
خلفها
شيكي اذا المكان فيه اي زباله اعزكم الله خذي الزباله ونظفيها وامسحيها من الداخل بديتول وخليها بره لحد ماتطير ريحه الديتول منها لان البكتيريا العالقه فيها ممكن تسبب روائح غير مستحبه
الخداديات طلعيهم فى الشمس وممكن تبخي عليهم بخاخ فبريز
واذا ماعندك امسحيهم بمناديل معطره وانتبهي اذا الوانهم فاتحه لا تبقع (لا تستخدمين هذي الطريقه )

الكنب كله اذا تقدرين كل كم شهر تطلعينه للشمس
السجاد تجيب سطل وتحطي فيه ملطف الاقمشه مع ماء وتغمسي الفوطه فيه وبعدين تعصريها وتمسحي سطح السجاد تبي تتفاجاي بكميه الشعر الي تكون لازقه فيها وانتى مش شايفاها
لان فيه كميه ماتشفطها المكنسه (جربي هذي الطريقه فى غرفة نومك وشوفى وخاصه حولين التسريحه )


الستاير فكيها وارسليها للغسال غسل وكوي اسهل لك وانتبهي لنوعيه القماش هل هو من النوع
الذي ممكن غسله او يحتاج للغسل على البخار

مسح الابواب والشبابيك من كل الجهات

اما السرميك والرخام كنس ومسح مع منظفك المعتاد يفضل يكون معقم فى نفس الوقت
اذا عندك ورود او تحف تغسل الشجيرات وتترك على منشفه لتنشف وترجع الى مكانها
والتحف تمسح بعنايه


خلصنا من التنظيف نجي للتعطير
جيبي كسر عود حتى لو مش من النوع الغالي وحطيه فى كيس وبخي عليه من العطور الي عندك او صبي عليه من العطور الزيتيه
سكري الكيس وخليه يومين وبعدين ابتدي الاستخدام
اشعلي الجمر او المبخره الكهرب وقبل تبتدي تبخري جيبي بخاخ امليه مويه وبخي بلطف على الكنب والستاير كميه قليله جدا بس علشان تتشرب الستاير والكنب ريحه العطر
بعد ماتبخي على الستاير والكنب ابتدي دخنيهم بكسر العود الي ذكرناها سابقا
اطلعي من المكان وسكري الابواب

خذي الخداديات وافتحي اذا فيها سحاب وافرشي فيها من الداخل على الجهتين
مناديل عاديه او حقت النشاف بعد ماتعطرينها بعطورات زيتيه
بهذي الحركه كل ماحركو الضيوف الخداديات تفوح الريحه
27-05-1428 هـ, 04:54 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الكنب شيلي المراتب ورشي بودره معطره ورجعي المراتب مكانها

المقابض حقت الابواب بعد مسحها وتنظيفها امسحيها بقليل من دهن العود
اذا عندك فازات كبيره جيبي كور الخشب الخاصه بالتعطير وسقطيها فيها
واذا راحت ريحتها انتى حطي من العطور الزيتيه الي عندك ورح ترجع تعطيك ريحه حلوه

والي ماعندها ممكن تستخدم بدل الكور الخشبيه اسفنجه يسكب عليها قليل من العطور الزيتيه
والي عندها المكيفات العاديه تطلع الاسفنجه الي داخل وتغسلها وتخليها تنشف وبعدين ترش عليها قليل من دهن العود او اي عطورات زيتيه
علشان يكون المكيف بعد تشغيله مصدر للتعطير
كذلك ممكن تعطير المجالس بالفواحات
والبخاخات الخاصه للبيت
واذا عندك ضيوف لاتنسي باقات الورد لانها تضفي جمالنا ورونقا على حفلتك
]

اخواتي ارجو ان يكون الموضوع قد اعجبكم
لانني ساتغيب عن المنتدى لفتره انتقل فيها من بلد الى بلد اخر
واحببت ان اهديكم هذا الموضوع قبل غيابي
دعواتكم اخواتي لنا بالتوفيق فى انتقالنا (حتى بدون كتابه)
دمتم بالف خير
27-05-1428 هـ, 05:01 صباحاً
 
الله يعطيك العافية علي هالموضوع..
موضوعك راااائع ومتعوب عليه........
27-05-1428 هـ, 05:07 صباحاً
 
اختي مواضيعك كلها رائعه واتمنى تستمري بطرح تجاربك وروائعك

والله يعطيك العافيه ويوفقك يارب في حلك وترحالك
27-05-1428 هـ, 05:15 صباحاً
 
اقتباس مشاركة  (موجه هادئه)
اختي مواضيعك كلها رائعه واتمنى تستمري بطرح تجاربك وروائعك

والله يعطيك العافيه ويوفقك يارب في حلك وترحالك
27-05-1428 هـ, 05:19 صباحاً
 


الساعة الآن 06:15 .