وعلشان احنا عارفين إن مشكلة ترهلات الصدر دي مشكلة بتعاني منها بنات كتير قوي، وبيبقوا مش عارفين يعملوا إيه..
جبنا لكم المجموعة دي من التمرينات اللي إن شاء الله بعد ما تعمليها مش هيبقى فيه مشكلة نهائي..
يلاّ واحد اتنين.. مع بعض
التمرين الأول
ده في منتهي السهولة.. كل الحكاية إنك هتحطي تحت رجلك كرة مطاطية مع وضع الذراعين على الأرض والطلوع والنزول بالرأس ومنطقة الصدر عشر مرات.. وخدي بالك إن يكون ظهرك في وضع مستقيم.
التمرين الثاني
حطي ظهرك على كرة مطاطية مع قبض الكفين جيدا حتى تشعري بشد عضلات الأيدي.. افتحي ذراعيك عن بعضهما البعض وضميهم تاني مع مراعاة إن الإيدين تكون متقابلتين عند الرفع.
التمرين الثالث
وده فيه شبه من التمرين التاني لكن الفرق هو الجلوس على الأرض وعند رفع اليدين يجب أن يكون الكفان متجهان للأمام بعكس السابق ...
في حالة عدم وجود الكرة المطاطية ممكن استخدام وسائد .
التمرين الرابع
في التمرين ده ممكن إنك تنامي على أرض ولكن من الأفضل إنك تنامي على حاجة مرتفعة ولو قليلا علشان إيدك ماتخبطش في الأرض أثناء أداء التمرين.
التمرين الخامس
اقفي قدام الحيطة وخدي بالك إن رجليكِ تكون بعيدة عن بعضها والأصابع تكون أعلى بقليل من مستوى الكتف..
بعد كده اثني الكوعين وتوقفي قبل وصول جسمك إلى الجدار واستني شوية، وبعد كده ارجعي تاني كرري التمرين ده عشر مرات...
بس كده.. خلاص خلص عددنا المرة دي...
واوعوا تنسوا تبعتوا آراءكم وتعليقاتكم الجامدة...
ولو عندكم أفكار لتمرينات رياضية مفيدة ممكن إنها تتعمل في البيت ابعتوا وقولوا لنا عليها علشان ننشرها..
وانتظرونا قريبا في مفاجأة قمر 14 لصبف 2007..
سلام..
للأمانة منقووووووول