Analysis Services






دايما لما احب اسوي العشاء بوفيه لازم تخرب على الاقل طبخه او ثنتين مو لاني ما عرف لكن من كثر الاطباق وكلها بنفس الوقت فماني عارفه انتوا لما تسون بوفيه بالبيت كيف تنظمون وقتكم والا من بدري تطبخون مع العلم انه عندي شغاله ولكن ما يكفي وخصوصا اذا كانتا عزيمة لرجال مع اهاليهم (حريمهم وعيالهم)يعني اكثر من عشر اشخاص كيف استقبلهم وكيف اسوي العشى وكيف زكيف يعني مستحيل اوفق بينهم تعرفون مو بس جايين ياكلون وبس لازم اقعد معهم واسولف معهم واضيفهم ...بس ابشوف انتوا مثلي والا بس انا واذا عندكم حلول قولوا واقترحوا علي ...ادري دوختكم بس وش اسوي ودي اسوي لو مره بوفيه ولا انحاس وينحاس حتى شكلي واكره العزيمه كلها واتضايق ..لا تقولون جيبي من بره ابي شغل يدي عشان ينبسط يحب اكل البيت ))))لا بجد ابي انا اشتغل البوفيه
04-06-1428 هـ, 03:19 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ان شاء الله البنات يفيدونا لاني انا بعد ابي اعرف.. وشكرا على طرح الموضوع
04-06-1428 هـ, 05:21 صباحاً
 
ان شاء الله البنات يفيدونا لاني انا بعد ابي اعرف.. وشكرا على طرح الموضوع
04-06-1428 هـ, 05:31 صباحاً
 
انا الحمدلله سويت اكثر من عزومه وبوفيه وكان فيه رجال وكذا مرره صار معهم حريم
اول شيء ياقلبي اخلي زوجي يعطيني خبر قبل العزومه على الاقل ب5 ايام اول شيء لتجهز نفسيا قبل اي شيء لان النفسيه احس لهاا دور.. بعدهاااا اجيب قلم ورقه وابداء اسجل كم صنف ابي اسوي مثل الاطباق الرئيسيه ورق عنب ورز تشريبه .. وشوربه احدد وش ابي حضروات او حب والمشاوي احدد وش ابي دجاج او لحم اصياخ او كامله ... المعجنات فطاير وبيتزاء عجينه وحده واكتب وش احشيهااا الفطاير واحيانا ادور الشيء السهل والسريع ويعطي طعم وشكل حلوو ..المقالي كمان احدد وش ابي مثل اصابع الدجاج بيبي شورما وفطائر مقليه وكمان السلطات اسوي نوعين اوثلاث ومكرونه بالبشمل والحلا كمان نوعين

بعدها اشوف الطلبات للي ناقصتني في البيت من الاكلات واسجلهاا في ورقها

بعدهاااا اشوف كيف بنظف البيت ولازم يكون البيت او الشقه نظيفه عشان العشاء واسوي جدول انا ماامشيء الا بقلم ورقه خخخخخخخخخخ كل شغلي .. بس من جد احس اني ارتب افكاري وانضم نفسي ويسهل على الشغل بعدهااا

طبعا هذا كله قبل العزمه 3 ايام اشوف الاكل للي اقدر اسويه وافرزنه مثل ورق العنب والمقالي اجهزه
وارتاح
بعدهاااابعدهاا قبل يوم العزومه انظف البيت واجهز السفره والااكواب والملاعق والصحون يعني كل شيء يتعلق بضيافه من الى حتى صواني الحلا وثلاجات الشيء والقهوه وحلى القهوه

وكمان اصلح حلى السفره قبل يوم العزومه عاررفه انه تعب وشغل مرره بس وش نسوي عشان نرتب كل شيء وانتي تكوني مرتاحه
بكذ ا مايبقى عليك الا الطبخ بس يوم العزومه تكوني مرتاحه من التنظيف ومن تجهيز السفره


يوم العزومه اقوم بدري واشوف طبخات حقتي واجهز الشي للي يبي سلق وللي يبي تقطيع واغسل الخضار وبعدها بسوي المعجنات هي اول شيء لانه بتاخذ شوي وقت واخلصها وادخلها الفرن واخبزهاا لانها ماتخرب وقت العشاء تحتاج شوي تسخين بس بعدين بطبخ الشيء للي يبي له وقت وشوي شوي اكون خلصت
الطبخ وكل شيء على النار يطبخ وللي بالفرن والمطبخ حووسه احاول اتحلص من الحوسه بسرعه
بكذا مايبقى لي الا السلطات اخيلهااا قبل العشاء بشوي

بعدهااا اسوي الشاي والقهوه واصبها في الثلاجات حقتهم واترتاح منهم

ابخر البيت قبل الناس تجي وانا اكون مجهزه وش ابي البس من قبل اخذ شور سريع واتجهز واضبط نفسي على خفيف واستقبل ضيوفي اجلس عندهم وقلبي وعقلي مع المطبخ واقولهم البيت بيتكم اضيفهم عصير واروح المطبخ كل شوي وارجع ومعطيه زوجي خبر ان العشاء بيتاخر يعني مثلا الناس يجون على الساعه 9 انا باحط العشاء على الساعه 10 عشره ونص لان لوحده مابتقدري تجهزي بسرعه
وارجع لضيوفي واصب لهم قهوه وبعده اقول استأذن خذوو راحتكم
واجهز الاكل بصواني البوفيه لان الطاوله جاهزه الحمدلله وبعده اقول تفضلو على العشاء

بعدها ماقدر ادخل المبخ لين مايطلعون الضيوف ......... ولما يطلعون وهم مبسووطين والله انسى التعب كله........والحمدلله يترتب كل شيء بهذ الطريقه وكل وحده وطريقتهاااا
04-06-1428 هـ, 05:55 صباحاً
 
عزايم البوفيه الافضل يتوفر عندك الصواني الخاصة للبوفيهات اللي تحتها شمعة وهي متوفرة باحجام مختلفة تحطين فيها الاكل قبل ما يجون الضيوف وقبل العشا بربع ساعة تقريبا تولعين الشموع عشان يسخن. و طاولة البوفيه ترتبينها بالليل قبل العزيمة و حتى الصحون و الكاسات والملاعق......الخ تجهزينها و تغلفينها ببلاستك. و انصحك ما تسوين معجنات لانها تحتاج وقت و دقة. وان نويتي تسوين صواني مكرونة سويها بالليل و حطيها بالثلاجة و يوم ثاني حطي عليها الصلصة الخاصة فيها. الحلى طبعا قبل العزيمة بيوم. السلطات تجهزينها و تجهزين الصوص تبعها تغرفينها في صوانيها و قبل تقليط الضيوف تضيفين الصوص. المقالي تكونين مجهزتها من قبل و حاطتها بالفريزر. لا تكثرين الاطباق لان المهم النوعية و ليست الكمية. وعساك على القوة
04-06-1428 هـ, 10:14 صباحاً
 


الساعة الآن 06:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏