سبيعيه ذوق تشكر كل يد خطت لها دعوه .. هذي حكايتي يارب تستفيدو منها يا أخواتي !!!

ــالسلام عليكم ورحمة الله وبركاتهــ


انا الان في المستشفى بس مفعله جوالي عشان اقدر ادخل الانترنت


وطبعا للي مايعرفون حالتي أنا حملت ب3 توائم ماشاء الله


2 بكيس ومشيمه وحده وجنين بكيس ومشيمه لحاله


وعانيت من النزيف المستمر والتقلصات وكنت نايمه على ظهري 24 ساعه


وكنت طبعا اترقب اليوم اللي أعمل فيه الربط عشان اتطمن شويه على أجنتي


وكل شي بقدرة رب العالمين


ولما جاء يوم الثلاثاء اللي قبل الماضي كان مقرر لي ربط بعد الظهر


وبما اني أدرس بالجامعه سنه ثاني فانا اختبر واطلع على طول على السرير


ويوم الثلاثاء طلعت من اختباري سيده على المستشفى


ودخلت غرفتي وريحت وجانا طبيب التخدير وتكلمنا معه


وبعدين جاء دكتوري وقال بنعمل لك أشعه داخليه نتطمن


على الاجنه وبعدها تدخلين غرفة العمليات


وقبل الثلاثاء بيومين كان الدم خفيف مره مره


المهم لما جيت اقوم من السرير على العربه تفاجأت بدم ينزل مني مثل الحنفيه وانتو بكرامه


رجعت على السرير ومسحوني ونادو الطبيب


اعطاني على طول ابره تساعد على تخفيف النزيف وجابو عندي جهاز الالتراساوند


وعملت لي دكتورة الاشعه أشعه داخليه وكنت خايفه موووووت


وبنفس الوقت كنت ادعي ربي واردد اذا كان بهالحمل خير لي ولاجنتي


ان ربي يثبته واذا كان فيه شر او خطر لي او لاجنتي ان ربي يريحني منه ويكتب لي


الخير ويرضيني بما كتب لي


طولت وهي تفرفر وتدور بعدين قالت النبض كويس لكل الاجنه ال3


ولكن فيه مشكله وهي ان الرحم مفتوح 1ونص سم والنزيف شديد ولكنه مو من


الاجنه انما من المشيمه لانها نازله وبها انفصال بسيط


وطبعا قال لي الطبيب لا تزعلي وهيأوني للاسقاط


وقال في الغالب الرحم بيزيد انفتاحه ومنه نعمل لك تنظيف وربي يعوضك خير


والله يا بنات بالفعل المثل اللي يقول ) ربي بينزل العزاء قبل المصيبه )


كنت مطمئنه ومرتاحه لدرجه كبيره ان ربي اكيد باعدني عن شر


ومستخير لي ..


زوجي صار وجهه أسود مسكين صار يثبتني ويقول لايهمك ولا تتضايقي


عندك قمرين والحمد لله يقصد اولادي


لان عندي ولدين توأم عمرهم سنه 7 شهور تقريبا


فقلت له انا راضيه بما كتب لي ربي


والله اللي كان محزني شوي انه كانت الحركه لها كم يوم باديه وهي حركة الاجنه


قدرت اميزها لاني جربت الحمل قبل كذا طبعا


فكانت متواصله وحسيت بارتباط فضيع مع الاجنه


ولكن كلمة الله هي العليا


الزبده :


لما جاء يوم الاربعاء بدأالدم يخف تدريجي سبحان الله


وطبعا انا ولاحركه حتى الحمام الله كرمكم ما خلوني أروح


بمكاني ولا حركه ..


دكتوري إنسان بمعنى الكلمه وقد المسئوليه جزاه الله عني خير


طبعا زوجي رافق عندي لان اولادي عند الوالده الله يحفظها ويتمم عليها حملها


وقال مابي اروح البيت وهو فاضي ..وانتي بهالحاله


ونسيت أقول لكم بعد كلامهم ان الرحم مفتوح ويمكن اجهاض طلع زوجي من عندي


ساعه ورجع ..


تدرون راح وين ؟


راح وأظهر صدقه والله يابنات الصدقه تدفع البلاء ..


لان فيه حديث عن الرسول يقول عالجو مرضاكم بالصدقه


وبالفعل خف الدم بعدها تدريجيا


وهدأ وضعي وآلامي بقدرة رب العالمين ثم بحرص الطبيب والادويه والابر اللي أخذتها


ولما جاء يوم الخميس بالليل عمل لي الربط وقالو لي ان الرحم على نفس وضعه


مازاد 1ونص سم وشد الربط ودبل الخيوط


يقول بالحالات اللي يكون الرحم مفتوح بنشد الخيوك عشان يلتم وبدال الخيط عمل لي


خيطين ولله الحمد والمنه


ولما قالت لي صاحبتي عن موضوع الاخت tvhs123


وانها نزلت موضوع للدعوه لي وانه مليان ردود دمعت عيني وارتعش جسمي


تأثرت بهذا الموضوع مع اني للحين ما قرأته ولكن تأكدت من طيب قلوبكم


وحنيتكم وحبكم للخير


شكرا لكل يد كتبت لي دعوه وكل لسان رطب ذكرني بدعوه


نفسي اشكركم وحده وحده ..


سامحوني على التقصير وشكرا لأخواتي بنات الديوانيه الغاليه والله يتمم لنا جميعا


طلب الدكتور من زوجي اني أتنوم اسبوع ثاني عشان يضمن راحتي بعد الربط


وما كان نفسي اطمنكم علي بس نفسيتي كانت تعبانه واشتقت ارجع لبيتي


واجلس مع اطفالي مع ان ابوهم يجيبهم لي هم وامي كل يوم


بس احسهم فاقديني ومن يوم يدخلون عندي بالغرفه وهم طالعين عندي على


السرير كل واحد بجهه الى ان يروحون


الله يعين بس


وكان عندي اخر اختبارين وما قدرت أحضرها


وكلمت رئيسة قسمي وقالت ما يصير رسوب ما تحملين الماده


لانك منومه بنعمل لك إعاده بعد ما يبدأ الدوام الترم الجاي


الحمد لله وعسى ان تكرهو شيئا وهو خير لكم


أتمنى من الجميع يكونو أستفادو من تجربتي ولو بشيء قليل


والاسبوع الجاي يوم الثلاثاء بيعملو لي أشعه داخليه ثانيه ويقول الدكتور اذا


اوضاعك تمام راح نطلعك ونتابعك كل 10أيام


أرجو أنكم ما تنسوني بدعائكم فقد من الله علي بالسلامه وعلى أجنتي بفضل


منه ثم بخالص دعواتكم الصادقه والله ينول كل وحده ما تتمنى


من كتبت لي دعوه ومن اكتفت بالقراءه ودعت بقلبها ايضا


وشكرا لكم اخواتي