ساعدوني في عزل الطفلين

بسم الله الرحمن الرحيم
السلام عليكم يا أمهات
إن شاء الله الأسبوع القادم سننتقل لمسكننا الجديد، عندي حالياً طفلين والحمدلله، بنت عمرها 4 سنوات، وولد عمره سنة ونصف، ولهما غرفة خاصة في السكن، هم حالياً ينامون معنا في نفس الغرفة كل منهم على سريره، لكن بالليل ماأحس الا بنتي طابة في الوسط، وولدي الصغير لازم أرقده في الوسط مابيننا بعدين أشيله على سريره، وحاليا حاطة في بالي بعض النقاط وأرجوا منكم النصح والإرشاد خصوصاً من صاحبات التجارب في هذا الموضوع:
1- أني اقعد معاهم في غرفتهم لين ماينامون وبعدين أتركهم واطلع
2- أحط ميكرفون في غرفتهم علشان اسمعهم اذا بكوا، خصوصاً ولدي لأنه كثيرا مايستيقظ نص الليل وياخذ له مرضعه لو ان شاء الله يكون فيها ماي ماعنده مانع المهم انه يرضع علشان ينام مره ثانيه
3- أوفر اضاءة خافته لكن كافية في الغرفة حتى مايخافوا

ابغي نصايحكم اذا عندكم زيادة، وتعليقكم على النقاط الثلاثة، واذا قاموا بالليل وبكوا أو جاؤوا لغرفتي كيف أتصرف معاهم؟؟
ارجوا اني أكون ماثقلت عليكن بالهذرة الزايدة