الموضوع جدا رائع لا شلت يمينك

موضوع راااااااااااااااااااااااائع

لين 2004


* قلوبي*


فتافيت سكرنت

والله منور الموضوع فيكم ياحبيباتي :26:

وان شاء الله ينفعكم واياكم وجميع المسلمين

موضوع رائع بكل معنى الكلمه ..

بارك الله فيج على هالمجهود الطيب ..


والله ودي أطرشه لمرت أخو زوجي .. ساكنه معي بنفس البيت ... ومطفرتني ..

أم زوجي وهي أمه .. عمرها ما دخلت علينا بدون استئذان .. وحتى يوم تدخل تجلس مكانها على الكراسي في الغرفه و تجلس تسولف وعمرها ما لمست أغراضي بكل أمانه .. ولا حتى خواته...

لكن مرت أخوه هذي غير الناس .. أكره زيارتها لي في غرفتي ... أول ما تدخل تبدأ حمله تفتيشيه عيني عينك ... تفتش في كل شي و تطالع كل شي بدون حيا ولا استئذان .. كنت أستحي أرد عليها في البدايه ولو اني كنت أبين لها ضيقي من تصرفاتها .. لكن يوم وصلت حدي من تصرفاتها صرت أعطيها كاش في ويهااا .. أقولها لو سمحتي هاي أشياء شخصيه لا تلمسينها .. و هاي أغراض ريلي ما يحب حد يشوفها ويطلع عليها .. وهاي أشياء خاصه .....الخ .. وياليتها تستحي أو تعتذر عن تصرفها ..
والله عــــــــــادي عندها ولا يبين عليها أي شي .. بالعكس تتأدب اشوي وبعدها بخمس دقايق تطيح عينها على شي تروح تركض تشيله وتتفحصه .. حتى لو ملف فيه أوراق تبا تعرف شو فيه ...

لحد ما وصلت حدي منها وصرت كله أقفل باب غرفتي .. علشان ما تفتح الباب وتدخل على كيفها ..

طبعا تدق الباب بس أعتذر منها وأسكر الباب على طول .. أقولها مشغوله بولدي أو عندي كوي وغسيل ... أو زوجي موجود داخل عندي ... الخ .. المهم ما تدخل غرفتي لاني أستحي من كثر ما أقولها خلي هذا و رجعي هذا .. تقولون ياهل .. وهي ما تستحي ولا تحس ....

هذا غير دخولها علي بدون استئذان .. والحمدالله اني حريصه على قفل باب الغرفه لو كنت بملابس عاريه ... والا بكون مفضوحه من هالانسانه اللي ما تخيل ... كم مره دخلت علي وريلي وياي ويوم تشوفه يحمر ويهها وتجلب ويهها ... صج عديمه أخلاق وذوق ..

الحمدالله اهلي معلمينا من يوم كنا صغار لااااااااازم ندق الباب قبل لا ندخل ... حتى لو كنت بدخل غرفه خواتي وأنا عارفه انهم لابسين عادي بس بعد لااااااااازم نستأذن قبل لا ندخل ..
وان شاء الله بعلم عيالي يدقون الباب ويستأذنون من صغرهم ..

تصدقون عاد من كثر ما تعودت على هالطبع .. يوم تزوجت كنت ادق باب غرفتي قبل لا ادخل اذا كان ريلي داخل ..هههههههه حتى كان يضحك علي ... لكني خلاص تعودت .. أي غرفه مب غرفتي لازم أدق الباب واستأذن قبل لا ادخل ..

الله يجزاك بالجنة