والله حبيبتي انتي نفسي انا عندي حماتي ما تدانيني ماادري ليش مع العلم اني اشوفها تسولف وتضحك مع اخواتي ولكن انا كلمتي تمسك في زورها وبعدين كلمت زوجي عنها وقالي شنو اسوي لها اختي اليوم عندي وبكره مو عندي يعني اهيا مو متزوجه ولكن اخواته المتزوجات زينات يعني مااقولج حبوبات يعني اوكي ولكن هذي واقفه لي بالبلعوم وبعدها حاولت مااحتك فيها واذا سولفت اقوم من مكاني يعني اطنشها وعقبها قطعت عنهم يعني صرت مااجيهم مع العلم انه امه ومرت ابوه بيت واحد وانا مااروح الا لامه ولكن هذي حماتي اخته من ابوه وتغار مني لي سويت شي او لبست وكشخت وحتى اعيالي تعيب عليهم وتقول اذا امك هذي اكيد تطلعون عليهااا

طنشتها وبعدين اقولج كلمت زوجي قلت له اما انك توقفها عند حدها ولا ترى واالله ما يصير لها طيب وبعدها قالي انا مااقدر اكلمهاااا

عقبها اقولك طنشتها وقعدت مااجيهم ولا ازورهم ويوم زوجي يروح لهم تقول له وين زوجتك والله صار لها فتره ما نشوفها عقبها انا قلت علشان خاطر زوجي وامه رحت لهم ولا تهلي وتسلم وما قاعد تسوي الي تسويه

من الكلام كله اقولج لا تحتكين فيهم ولا تسولفين معاهم ولا تعزميهم واقطعي عنهم وشوفي شلون يحبوكي وبعدين اذا اصر زوجج تحججي في بنتج تأذيكي كل ما تروحين لهم تبكي او انتي قولي له تعبانه مثل هذا الحجي

والله يعينك

بعيدا عن المشاكل خليك رسمية معهم خصوصا ان زوجك اموه متوفيه والموجودة زوجه ابوه فماعليك منهم زوريهم ولا تطولين وكلم ابو زوجك واسألي عنوه بالتليفون لا تروحين دايم وبعدين زوجك وش ردة فعله بعد الموقف ولا تعزمينهم واجد بصراحة ما يستحون الله يهديهم

الله يهديهم وما الومك ياعمري يوم بكيتي عندهم الضغط يولد الانفجار بس خليك اقوى من كذا حرام هالاشخاص يضيقون صدرك كان قمتي وشلتي الصحن ..............
وخليــــــــــــك رسميــــــــــــــــــــه واحقريهم وانا اختك ولاتكثرين زيارت لهم واذا رحتي خليك رسميه جدا واسفهي اي حركه تصير منهم وشوفي كيف بيموتون قهرررررررررر

انا اوافق كلام اختي كريم نيفيا 000لاني انا نفس حالتك اذا تا خرت مايناضروووووني ويقولولي اشربي ماء خلصت القهوه بس بديت اذاصار فيه عزيمه اصحي بدري واتجهز واروحلهم بدري علشان ما يرمون علي كلام يضيق الصدر وتحملي انا والله اذا كان اليوم عندهم عزومه ماانام زين بس افزز اخاف اتاخر ويضيق صدري فلازم اصبر واروح بدري

كلام كريم نيفيا حلو حاولي تطبقيه
وكمان عشان عين تكرم مدينه
إذا زوجك طيب معاكي ويستاهل إنك تصبري عشان خاطره
طنشي حركاتهم وخليك رسمية معاهم في الكلام والضحك وحتى في مدة الزيارة وروحي لهم بدري
وإمشي من عندهم بدري
وإذا وحده من خواته رمت عليك كلمة مالها داعي ولا مزحة ثقيلة
ردي لها رد يبرد القلب وإنتي مبتسمة وإياك تبيني لهم إنك تضايقتي ولا تأثرتي
المهم خلي رايتك بيضه في عيون زوجك وأبو زوجك والباقي ماعليك منهم..