Analysis Services
  • «
  • <
  • 1
  • 2
  • »
هلالا اختي .. عزيزتي هذي طريقة الغاليه ميكب ارتست حاولت احطها لك بالصور بس ما عرفت

جربيهااا وصدقيني رااااح تحبينها .. بس حاااااسبي من انك تدمنينها لانهااا كثيررر دسمه

والف عااافيه عليك ..

اللازانيا تاخذ شوية وقت ، لانه يبيلها ثلاث خطوات .
1ـ تحضير الحشوه .
2ـ سلق اللازانيا .
3ـ تحضير الباشميل .
تحضير الحشوه :
طبعا صلحت حشوتين ، وحده باللحم ، والثانيه بالدجاج ، واثنينهم طعمهم روعه ومميز
مقادير حشوة اللحم :
الصينيه تقريبا حجمها 30x15
كيلو لحم مفروم .
فلفل رومي مقطع مثل مو مبين بالصوره تقريبا حبه بس انا استخدم فلفل رومي ملون . وشوي من كل لون .
جزره كبيره مبشوره .
بصلتين وسط .
كيلو طماطم تقريا .
ملح ، و فلفل اسود وهيل وقرفه مطحونين .
ملح صيني ( جي ني موتو) وهذا صورته للي مايعرفه .
صلصة طماطم إذا احتجنا .
الطريقه :
تدرون انا طريقتي بالحشوه بالمقلوب تختلف عن الناس ، لاني أقرف من اللحم المفروم <==عندها عقده من الطفوله .
لذلك اول ماجيب اللحم المفروم احطه بمصفاه واصب عليه ماء حار . بهالشكل
بالمقلى نسخن شوي زيت نباتي .
شوفو النقطه الحمره دليل ان المقلى سخن لادموع بعد اليوم <==ههههههههه متأثره بالاعلان .
نضيف اللحم وعلى طول حطي الفلفل الاسود والقرفه والهيل عشان نقتل رحية الزفر <= متعقده الاخت بزياده .
نقلب شوي
نظيف البصل وانقلب لين ينضج شوي
الحين نظيف الفلفل الرومي والجزر
لين ينضج
نبدأ الخطوه المهمه اللي من غيرها اللزانيا بيطلع طعمها سمبوسه لووووووووووول
جيبي الطماطم وقطعيه واخلطيه بالخلاط زين .
نضيفه للحشوه
لاتقولون كيلو كثير أحيانا ياخذ مني اكثر لان الحشوه لازم تصير مثل الايدام .
نخلط بهالوقت وونضيف الملح العادي والملح الصيني .
ونخلي الطماطم ينضج على نار هاديه لين يحمر والحشوه تشرب الماء .
لاحظو شلون نشفت وأحمرت .
انا احب اللازانيا حمرا وطماطهما كثير يعطيها حموضه وطعم حلو بنفس الوقت .
لذلك اضفت نصف علبة الصلصه ولازم تضيفين ماء بهالمرحله .
حشوة الدجاج :
مقادير الحشوه .
بصله كبيره
فلفل رومي تقريبا حبه والافضل لو يكون ملون .
4صدور دجاج مقطعه والافضل مايكون مكعبات يكون رقيق مثل الشاورما .
فطر ( مشروم) الافضل لو يكون طازج بس مو متوفر عندي غير العلب .
صويا صوس ، استخدمت نوعين المالح والحلو بس يكفي تستخدمين الحلو .
أورجانو ، وبارميزان هذا بنستخدمه داخل الحشوه .
وبابريكا وبودرة الثوم بنستخدمه بعدين .
والملح لاتنسونه والفلفل الاسود .
زبده للتحمير
قليل من كريمة خفق (اختياري)
الطريقه :
عاد هنا كنت زعلانه لان لازانيا اللحم انسرقت فصورت تصوير أي كلام لووووووووووووووول
نستخدم ربع اصبع زبده ونسخنه .
نظيف الدجاج
نحطله ملح وفلفل .
وبتلاحظون ان الدجاج طلع ماء نقلبه لين ينشف ماه .
نضيف البصل . وإذا استوى اضفنا الفلف الرومي
نقلب ونظيف الصويا صوص
نضيف الفطر
والبرميزان تقريبا ثلاث ملاعق او حسب ذوقك .
نقلب ونظيف كريمة الخفق . اختياري طبعا لو ماتبون اضيفوا شوي ماء . تقريبا بيالة شاي .
مقادير الباشميل :
صراحه السر دائماً في الباشميل وبعدها الحشوه .
انا اكره البيض لذلك دائما استخدم الدقيق فقط .
وبقولكم الشغله المميزه في طريقتي بالبشميل .
طبعا انا صلحت كميتين انتم صلحو نصف الكميه
اصبعين زبده او 200جرام .
كوب وثلث دقيق .
24ملعقة حليب بودره مع الماء بتكون 8 كاسات حليب .
مكعبين ماجي .
فلفل ابيض . عشان مايأثر على لون الباشميل .
كوبين كريمة خفق . ممكن استبداله بعلبتين قشطة التاج .
جبنه سائله استخدمت نص العلبه تقريبا خمس او ست ملاعق أكل .
جزره كبيره .
عيدان قرفه وهيل .
الطريقه :
اول خطوه نغلي الجزر والقرفه والهيل مع كاستين ماء .
نخلط الحليب مع الماء الفاتر ونضيف 6أكواب .
نصفي ماء الجزر ونضيفه للحليب يعني المجموع بيكون 8 كاسات
نذوب الزبده مع مرقة الدجاج
نضيف الدقيق وهذي اهم مرحله لازم تخلطينه على طول ولا بيتكتل . انا اخلطه بالخفاقه اليدويه
نضيف الحليب وراعي انه يكون فاتر وبداية حطيه على شوي شوي .
ونستمر بالخلط
نظيف الفلفل الأبيض وإذا احتاج ملح حطي شوي وراعي انه بيكون فيه جبن مالح .
نضيف كريمة الخفق ونخليها لين يغلي الباشميل من جديد ونحسه متماسك .
نطفي النار ونضيف الجبن .
ونخلط
وترى الباشميل لازم مايكون غليظ مره ولا سميك عشان لو سميك بتكون اللازانيا قاسيه ولو طري بتنعفس عليك .
ههههههههههههههه شكلكم تعبتوا .
لسى باقي .
سلق اللازانيا :
هذي صورة اللازانيا ، وهي افضل لازانيا جربتها اسم الماركه ( بيتسيلو) احسن مافيها انها رقيقه ، صراحه اذا جربت أي نوع ثاني احس ان اللازاينا سميكه ومو عالمزاج .
وهذي صورتها من الداخل لاحظوا كيف رقيقه
هالخطوه اصلحها اثناء تحضيري للباشميل .
طبعا سلق اللازانيا يبيله حرص شوي غير عن المكرونه العاديه لانه بسرعه يتقطع ويلزق ببعض .
لذلك افضل طريقه لسلقه ، اغلي ماء بالقدر وخليه ومن ثم أملحيه واضيفي ملعقة زيت نباتي .
وسقطي اللازانيا حبه حبه عشان مايلزقون انا احط 5 حبات لكل دفعه عشان ماتعب ويلزقون علي وأحوس
اخليها ثلاث دقائق واشيلها .
شخصيا مافضل اللازانيا قاسيه احبها طريه نسبيا
واحب اول مانزلها احطها بماء بارد عشان تنفش شوي لانها اذا صارت قاسيه تنفش في الفرن اثناء الطهي وممكن تحوس بالصينيه . وايضا عشان ماتلزق اثناء التحضير . بهالشكل
نجي لترتيب اللازانيا :
نحضر كل الشغلات اللي صلحناها قبل .
شخصيا احب اصلح اللازانيا اربع طبقات .
وعشان اسهلكم الوصف
مكرونه
بشميل
لحم
مكرونه
بشميل
لحم
مكرونه
باشميل
لحم
مكورنه
بشاميل .
احب ادهن الصينيه قبل ببشميل .
نرص اللازانيا بالعرض او حسب صينيتك
وبعدها الباشميل
وادهنيها
اللحم
وسوي السطح
ونرص طبقه لازانيا ، نكرر لين اخر طبقه .
وهذا شكلها النهائي بعد ماحطينا طبقة الباشميل ، ونرشها بالاورجانو ، والبابريكا ، وبدورة الثوم والبارميزان
بالنسبه لحشوة الدجاج .
كذا نرصها بنفس الطريقه بس احب ازود الباشميل حبتين لانها ناشفه شوي .
الحين ندخلها الفرن .
على حراره متوسطه وتاخذ تقريبا من ثلث الى نصف ساعه .
وإذا صارت بهالشكل شغلنا الشوايه من فوق عشان تحمر .
هذي لازانيا اللحم بعد ماخرجت من الفرن الله يهديهم الشباب ازعجوني ماخلوني احمرها مثل ماأبي
ههههههههههههه اقول لأخوي طلعلي قطعه بس ابي اصورها ، قالي ياشيخه اعطيها الشباب وهي معوقه(طرار ويتشرط) يعني والمشكله نزل الصواني وهو يتطنز يالله خليت وحده لخاطر بنات النت ،. والله زعلت لاني ماصورتها اهي اهي .
هذي لازانيا الدجاج بعد ماطلعت . ولاحظوا سمكها من على جنب
يابنات انتبهوا لما تنزلونها من الفرن ترى حاره مره يعني احرصوا تشيلونها بشغله سميكه
09-06-1428 هـ, 04:48 مساءً
 
هذا هو رابط اللزانيا للإخت ميكب أرتست
http://forum.hawaaworld.com/showthre...842139#Scene_1
09-06-1428 هـ, 05:00 مساءً
 
واوواوااااووووواااووواووواواواوواووواووواو
21-06-1429 هـ, 10:00 مساءً
 
اموووووووووت على لزانيا بيتزا هت

بس اذا بتسووينها خففي طبقاات الباشميل
21-06-1429 هـ, 10:07 مساءً
 


الساعة الآن 07:31 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏