السلام عليكم و رحمة الله و بركاته

كيفكم يا بنات جدة الحلوات

انا امس كنت في البازار

و كنت ادور على الاركان المميزة و مالقيت الا فلوريلا

و لما اتصل ابوية و قال ياللا شفت اركانكم قلت لاختي نستنا قالت مافي ابوية نلطعه برا

و زعلت ما انتبهتلكم الا و انا خارجة و لا قدرت حتى اطل عليكم اصلاً كل اللي اخذناها

ساعة و نص و ما كفتنا

بس والله انبسطت مع امي و اخواتي من زمان ما خرجت معاهم استغليت ان زوجي كان

مسافر و خرجت مع اهلي

و البازار مرة عجبني مع اني ما احب البازارات بس هذا عجبني حتى الاخوات صاحبات الاركان

كانوا لبقات و مهذبات الا ثنتين مع بعض شكلهم ما يبغوا يبيعوا و اعتقد محد اشترى منهم

بضايعهم مكدسة عندهم كنت ابغى اشتري منهم بس لما لاحظت طولة لسانهم مع الزباين سبتهم

و مشيت قلت لو كانت الموية عندهم بس اعطش و لا اشتري منهم


بس ياليت تقولولي متى يفتح المعرض و متى يقفل اقصد الوقت الساعة كم


طولتها و هي قصيرة

إن شاء الله المرة الجاية ح ازوركم كلكم حتى لو بس للسلام لازم اطل عليكم و من بدري

و الله يوفقكم يا رب
الحمد لله حمدا كثيراً كما ينبغي لجلال وجهه وعظيم سلطانه
اختي قلب المرمر تحية من القلب لك انا جاية باذن الله الى جدة بعد اسبوعين تقريبا *****يكون معاك ساعات كثيرة ابغى اشترى كميات بس لازم تراعيني علشان الكمية وفقك الله
فراشه حمرا
البازار من العصر الى 12 الليل

المره الجايه تعالي وقت اطول عشان تتمشي براحتك

وانا في انتظارك

مري علي في ركن 12

تحياتي


الساعة الآن 05:49 .