شوفي حبيبتي اول شئ اغلي مويه و حطي بن خليها تغلي شوي بعدين حطي كوفي ميت واذا ما توفر حطي حليب سواء سائل او مجفف محلى بماء ثم المسمار ثم شوية زعفران اذا كان عندك وخليها تغلي على نار هادية حوالي 5 د في هذا الوقت جهزي الفناجيل والتمر بعدين حطي الهيل وخليه شوي ثم صبيها في الثلاجة ..........ولاتنسين تدعين ان الله يفتحها عليك وعلي (قبل كنت ما اعرف اسوي شئ بعد الدعاء سبحان الله صرت اعرف )
16-06-1428 هـ, 12:16 مساءً
 
عزيزتي
الأخوات ماقصروا في الشرح بس لازم تتاكدين إن القهوة زينة لأن أصحاب المحلات كل قهوة عندهم هرري وهم غير صادقين والهيل أساسي في القهوة وترين في نوع فاخر يخلي ريحة القهوة جنان
والله يوفقك
16-06-1428 هـ, 12:29 مساءً
 
السلام عليكم 0000آنه باعطيك طريقتي وجربيها أول شي آنه أغلي الماء بالكاتل ( الترمس الكهربائي) وبعدين أحط في اناء القهوه 3م0ط قهوه مخلوطه يبيعونها جاهزه في الجمعيات عندنا في قطر وعندما يغلي الماء أضيفه على القهوه لي أكثر من النص بشوي وآرد أحطه على نار هاديه لين تفور القهوه لازم تفور لأن هاذي دليل استواها ألحين نيي حق الدله آحط فيها 3ملاعق متوسطه هيل مطحون +1ملعقه متوسطه حليب بودر +كميه حسب ماتحبين زعفران+ غطا ماي ورد وزلي القهوه عليهم وبالعافيه( ترى قهوتنا متميزه والكل يسأل عنها )
16-06-1428 هـ, 02:26 مساءً
 
اقتباس مشاركة  (**تمارا**)
ليش تخلينها 5دقايق اقل شي ربع ساعه لانه مو مستويه زي القهوه التركيه ولا الامريكيه

خليها تاخذ وقتها والهيل احسن تحطينه بالزمزميه تطلع ريحته قويه(الترمس اقصد او البراد)

والزعفران حطيه في شووي مويه من قبل منقوع عشان يطلع لون
16-06-1428 هـ, 04:40 مساءً
 


الساعة الآن 12:30 .