شخباركم يا صبايا-وبنات وحريم ...


...الرسول صلى الله عليه وسلم قال خير الناس أنفعهم للناس)


...وبصراحة هذا اللي لقيته عندكم ومعاكم ...الله يديكم العافية على فزعاتكم دايما معاي ...



...الايام والسنين مرت وعدت ....وفجأءة ولله الحمد والمنة ...لقيت نفسي صرت الوحيدة بالبيت مع امي وابوي ....وحاصير المسؤولة عنهم ولاول مرة



...الله يخليهم لي يارب





...بصراحة انا طول سنيني اللي راحت من اول ماجيت ع الدنيا (للاسف : )ماكنت اعرف اي شي عن البيت ....ولا عن اهلي ..ولا اي شي



...كنت مشغولة بعالمي ..المنعزل ...الس دايما لوحدي بالغرفة يامشغولة بدراسة ي
ا تلفزيون ياتليفون يانت يا قراءة قصص....ودايما كنت احاول الخبط وقت نومي وقومتي واعكسها مع اهلي ....


يعني اشوف الوقت اللي يكونو صاحيين فيه اروح انام على طول والعكس ...ماادري ليه


.............................. .............................. ..............



الحمدلله الله من علينا بفضله واتزوجت اختي الكبيرة اللي كانت مهتمة بالبيت وشايلته على راسها على قول امي


وهذا كان من اسبوع .

.............................. .........................




لو قرأتو الباقي حتكفخوني

















...ابوي وامي كبار بالسن ...وعندهم امراض كثيرة ...ومشكلتهم اكتشفت انهم يستحوا مننا ...يعني لو موانا جبت الاكل وجلست احن علي ساعة واترجى فيهم ...ماياكلون ....واذا نسيت او نمت ممكن يجلسو ايام بدون اكل



...ومشكلتهم الاكبر انهم متعوديين على نمط معين من الاكل (اكلات شعبية وقديمة وماهي مفيدة )...

...يعني الفطور : حليب + تمر او عسل + عيش وبس


الغداء : رز و لحم وبس


العشاء : حليب وعيش.............................. .............................. .....


وانا مااعرف لا اكل ولا اعرف اطبخ ذي الاكلات ...(عايشة بعالم اخر )

.............................. ..........


والأدهى والأمر ...ان خدامتنا اللي لها اكثر من 25 سنة عندنا راحت ....وجاتنا واحدة جديدة ...جاية من ديرة ولا من صحراء ماتعرف شي ابدا ورافضة تطبخ


.............................. .............................. .......



ابوي ارتفع عنده الكوليسترول والضغط وجاته امراض كثيرة واتنوم المستشفى ...والدكتور هزئنا = يقول ابوكم مريض وياخذ ادوية كثيرة لازم يتغذى كذا وجبة باليوم وكمان لازم تكون صحية وكلها خضار وفواكه


وطبعا اعطانا نظام غذائي قال ابوي : والله اموت ولا استخدمه ....انا مااكل ذا الاكل




.............................. .............................


امي نفس الشي : تعبت وجاها نزيف وكمان جاها بواسير والتهبت معدتها


والدكتور قال : امكم جلدها ناشف كاننها عايشة بصحراء....انتو ماتشربوها ولاتأكلوها


.............................. .............................. .........


الحمدلله على كل حال بس








.............................. .....والله يسلمكم



ساعدوني انا مااعرف اطبخ ...بحياتي ماطبخت (بس بجد من كل قلبي نفسي اتعلم مو عشاني بس عشاني ابوي وامي ....والله فشلة ابوي وامي يموتون من الجوع عشين بنتهم فشيلة ماتعرف تطبخ ))

وكمان فوق ذا كله مااعرف اش اطبخ ؟؟؟


اش المفروض الكبار بالسن ياكلو ؟؟ شي لين ؟؟وخفيف ؟؟؟ ومفيد ؟؟؟ وحلو وطعم ؟؟؟


اشتريت كتب طبخ ... بس للأسف : كل الاكلات اللي فيها ابوي يرفض ياكلها ...وامي نفسها تاكل شي جديد بس تستحي مني



بالله اش اسوي ؟؟؟



ساعدوني ....اكون مرة واحدة بحياتي بارة ومهتمة بابوي و امي ....ارجوكم



.............................. .............................. ...................


والله فكرت اني اتعامل مع اي مطعم او طباخة ببيتها بس خايفة ؟؟

.............................. .............................. .........


بانتظاركم
الله يفرج همك عزيزتي

اسمحي لي بنقله للقسم الانسب لتلقي المزيد من الردود
بارك الله فيك على احساسك بالمسؤليه اتجاه والديك

رجااااااااااااء خااااااااص حاولي معهما دائما لتغير نظام اكلهم لانهم امانه سوف يسالك الله عنها يوم القيامه

حاولي ولا تياسي وفقك الله لما يحب ويرضى
" بنات أدعولي الله يخليلي أمي ويفرج همها ويقضي دينها ويرحم جدتي ويسكنها فسيح جناته ويغسلها بالماء والثلج والبرد ويجعل قبرها روضة من رياض الجنة يا رب "
بارك الله فيك على احساسك بالمسؤليه اتجاه والديك والله يوفقك
.اللهم اغفرلى خطاياىوتب على انك انت التواب الرحيم....

"اللهم صلي على نبينا وسيدنا محمد صلى الله عليه وسلم"
بسم الله الرحمن الرحيم
السلام عليكم ورحمة الله وبركاته
الله يبارك فيك وينور دربك ويخليلك أهلك
اولاً جددي النيه دائم ببر والديك والله راح تجنين خير كثير في الدنيا والاخره
واذا قصرتي راح تندمين ندم عمرك ما حسيتي فيه بعد عمر طويل لما يتوفون راح تحسين بغصه
دائم ادعي في صلاتك اللهم ارزقني برهم والاحسان اليهم
وراح تتفتحلك ابواب كثيره
من خبره
اولاً العصير الكبار دائما يحبون عصير الخربز والمنجاء
بعدين دائم سوي من الليل كاسة ماء فيها ملعقة عسل وحطيها عند راسهم يشربونها على الريق (( سنة وهدي نبينا محمد صلى الله عليه وسلم ))
تعطيهم نشاط وقوة وصحه
الاكل
جيبي الدقيق الاسمر وحطي عليه ملح واعجنيه بشوية ماء عجينه عديه سهله مره واعصري في الخلاط طماطم وسوي كشنة بصل يعني حطي في القدر شوية زيت وعليه بصل ولما يذبل حطي عليه الطماطم
واذا يكلون خضار قطعي معه كوساء بطاطس باذنجان جزر بس مره صغار واذا ما يحبون ماله داعي
لما تغلي افردي العجينه وقطعيها قطع صغار بالفراده وحطيها على الخليط وقلبي فيها لا تلصق في القدر تقريباً نص ساعه وخلي فيها شوية مرق
ترى الكبار يحبونها وهي سهلة الهضم ومفيده وما تحتاج خبره في الطبخ
ممكن تسويلهم ايدام مشكل كوساء باميه بطاطس باذنجان وتقدمينها مع رز ابيض
كماً يحبون المهلبيه وترها مفيده وخاصه احنا في الصيف
الله يرحم ابوي ذكرتيني بايام فاتت اللهم ارزقني بر امي وارضى عني


الساعة الآن 12:17 .