السلام عليكم ورحمة الله وبركاته
انا عندي مشروع صغير وهو عمل كوشك ذره في احد المحلات التجاريه لكن لاعرف هل هو مربح ام لا وايضا كيف اعمل الكشك واجيب العامل ذوي خبره في عمل كوب الذره انا اشوف ماشاء الله اقبال كبير في المجمعات التجاريه على كوب الذره لكن خايفه يفشل المشروع لاني ماعندي خبره في هذي المشاريع واتمنى من سيدات الاعمال ان ينصحوني ايش رايهم وين اروح حتى احجز الكوشك واجيب ترخيص وكيف اجيب العامل الكوفئ لان مو اي ذره يسويها لازم تكون كويسه عشان الاقبال عليها اكثر
ساعدوني الله يجزاكم خير ولي عندها خبره في عمل الكشكات تديني خبرتها وربي يجعله في ميزان حسناتها

السلام عليكم ورحمة الله

أختي الغاليه .... رخ أفيدك من واقع خبره .... أنا مره سويت كشك ذرة بأحد المنتزهات ... وفشلت

بس لاتخافين من الفشل رح أقول لك الأسباب عشان تبدين من حيث أنتهى الأخرون

ماكان عندي خبره كافيه ... أسباب فشل المشروع
- عدم إختيار المكان المناسب (( كانت المنتزه خسرانه أساسا ولا عليها إقبال ))
- عدم الدرايه بالأمور الماليه (( وبصراحه لما أنتبهت لهالنقطه وبديت أحسبها صح كان شعري بيسير كله شيب ابيض فيومين ,,, بس وكلت المهمه لأخوي ))
فقال لي أخوي (( لازم تحسبين بكم تشتري كيس الذره .. وبكم تشتري كاس الذره .. وكيس الذره كم يعبي لك كاس والكاس الواحد كم يدخل لك .. وكيف تستعيدي راس مالك وكيف تحسبي الربح وشغله والله متعبه ....... بس مهمه جدا ولأقصى مدى أنك تتقنيها قبل ما تخلي فيه عامل يدير فلوسك بالمحل
لأنك ماتأمنينه .. يبيع كاس لحسابك وكاس لحسابه ..

- الخطوه الأولىأفضل شي انك تجيبي كيس ذره والأكواب الخاصه فيها وتسويها عندك بالبيت وتحسبين صح .......... معليش الكيس الأول خليه لأهلك ياكلونه على حساب العلم واكتساب الخبره

- طبعا فيه مصانع تبيع كرتون الذره بسعر الجمله .. أنصحك فيهم أفضل .. تلقين ارقاممهم بقسم الغذاء بالدليل التجاري للغرفه التجاريه .. أمسكيه ودقي على المدينه كلها لين تحصلي لك سعر مناسب ..

وبالتوفيييييييي ييييييييييييييي ييييييييييييق يا نيات
العزيزه وبس
الله يجزاك خير ويعوضك الله ويرزقك قادر ان شاء الله
يابنات اعطوني خبرات اكثر الله يجزاكم خير
للرفع


بمثل هالمشاريع والله مالي خبرة
بس ممكن افيدك بكذا حاجة كيف تحسبيها
كذا سؤال اعمليها بجدول صغينون شوفي الي لك والي عليك
حتى تبدأي بداية صحيحة بدون اي خسارة

يعني جدول دراسة مبسط وشوفي وكم يكفلك تشغيل مشروعك وكم مقدار الربح بالارقام

الموقع وسبب اختيارة ؟؟
طبيعه الطلب ومن هم زبائنة ؟؟
الايجار للكوشك؟؟
رخصة العمل للكوشك؟؟
المعدات وتكلفتها؟؟
البضائع المشتراة وتكلفتها شهرياً
احتياجات مشروعك ( ماء - غاز - ملح- زبدة-بهارات ... الخ )
راتب العامل؟؟

اجمالي مبلغ التشغيل؟؟؟
واخيراً احسبي تقديراً كم ستبيعين وتحققين من الدخل شهرياً

وموفقة يا قلبي


........


الساعة الآن 11:55 .