السلام عليكم جميعا

قبل كم يوم كان عندي عزيمة رجال كانوا 3 بقدرة قادر صاروا 6
لكن الحمدلله عدت وزاد الاكل مره سبحان الله الوحده ترتبك احيانا لا يقل الاكل لكن الحمدلله ربي يطرح فيه البركة




عموما مثل مانتوا شايفين

سويت



-رز بكنشة عليه فظييييييييييييييييييييييييييييييييييييييعه الله يجزاها خير صاحبتها
بعد شوي احط الطرق سهله مره



-صينية لحم بالفرن على طريقة الاخت ترانيم
http://forum.hawaaworld.com/showthre...929672#Scene_1




-كباب لحم ودجاج وشيش طاووق بطريقتي



-صينية كور البطاطس بالدجاج والقشطة
http://forum.hawaaworld.com/showthread.php?t=763098


-مصقعه بطريقة كريكرة مع شوية تغيير
خخخخخخخخخ لا تضحكون عالصينية
لان تعرفون بغربة ولا اكثر مواعين خاصه القزاز
واصلا سويت هالمصقعه على اااااااااااااااااااخر لحظه بسرعه يوم عرفت انهم زادوا الرجال بغيت اموت من العجله وهذا الرابط
http://forum.hawaaworld.com/showthre...771248#Scene_1


-مطبق بالسبرنق رول


-سلطة مكرونة وخضار مشكله وزبادي لذيذة مره


يتبع....
وحلى القهوة (حلى السنكرز)

وحلى ثاني بس ماصورته بس قللت لهم عشان يتعشون




حلى السفرة خرفته من راسي على بالي بسوي ترفل خخخخخخ




التجهيزات:
-من اليوم الاول تبلت اللحم الي سويته بالفرن وماكان عندي الصدور ولا كانت تبلت الشيش طاووق من الليله الي قبل افضل.
-جهزت فناجل القهوة والشاي والترامس كلها على جنب
-حلى السفرة والقهوة سويته من اليوم الاول
-بطاطس صينية البطاطس سلقتها من اليوم الاول وحطيتها في الثلاجة
-اغراض السلطة طرفتها على جنب و(المفروض اني سلقت المكرونه )
-جهزت صحون الغرف والكاسات والملاعق وكلش
-طبعا نظفت البيت والمطبخ والحمام وكل شي مابقى الا لمسات اخيره ومع بنتي طبعا لازم اكنس الين اخر لحظة
-اول ماقمت في سوم العشى جهزت باقي الاشياء من تتبيل الشيش طاووق وتجهيز الكباب وسويت صينية البطاطس وخليتها لين قبل التحضير بنص ساعه وحطيتها في الفرن

طبعا انحست في الاخير لان كل شي بيدخل الفرن والمصقعه زي ماقلت سويتها اخر شي فاخذت وقت

طرق االاطباق الي ماكتبتها فوق

- الرز:
سويت رز ابيض عادي وحطيت ملح وشوي زيت وماجي بالخضار ويوم قرب يستوي رشيت صبغة زعفران
وهذي طريقة الخلطه كتبتها الاخت ام البكيراويين لوحده مره كانت تسأل عن لكشنات الرز
اقتباس مشاركة  (أم البكيراويين)
عزيزتي ابعطيك حمستي على الرز بدون مقادير
بصل مقطع صغير + جزر مبشور + ملفوف مقطع شرائح صغيره جدا +فلفل رومي الوان
صنوبر + زبيب
بالاضافة إلى شعيرية محموسة ( شعيرية عادية أحمسيها بشوي زيت )
احمسي البصل بشوي زيت وزبده ثم أضيفي الفلفل ثم الملفوف واخيرا الجزر
إذا ذبلت أضيفي الشعيرية والزبيب والصنوبر
ضعي الملح والكركم وشوي كزبره ( ممكن شوي من بهارات مطبخك )
وبالعــــافيه

لذيذه يابنات مررررررررررررررررره


يتبع...
الشيش طاووق:
قطعت صدور دجاج مكعبات وتبلتها في ليمون وملح وبهارات وكركم وشوي خل (الافضل تحطين زبادي بعد)
وخليتها فتره في الثلاجه بعدين شكيتها في الاعواد وحطيت بينهم فلفل رومي وبصل

والكباب:

كلها نفس الشي بس الدجاج اضفت عليه كركم
(تعجنين اللحم المفروم مع بهارات وملح وبصل مفروم وشوي زيت )
بعدين تشكلينه على الاعواد


السلطة:
الي تحبين من خضار +مكرونه مسلوقه+ والاساس الزبادي وعصير ليمونه وزيت زيتون وملح
انا حطيت
ذرة-فاصوليا حمرا-حمص- فلفل رومي ملون- ملفوف لونين- جزر مبشور

المطبق:
سبرنق رول كبار
والحشوة (بيض+بصل اخضر (((ماعندنا كراث)))+طماطم+بهارات وملح)

نحشي نص السبرنق المربعه بعدين نصفطها تصير مستطيله ونحطها على التاوة بعد مانكون سخناها ومسحناها بشوي زيت واذا خلصوا نقصهم بالنص

حلى السفرة:
طبقات من الدريم ويب طبعا مخفوق وجاهز والكتكات المكسر والباي فيلينق بالكرز
حطيت اول شي دريم ويب بعدين الكتكات بعدين الباي فيلينق وكذا الين امتلى الكاس
واخر شي حطيت بكيس الحللواني دوائر دريم ويب وفوقها كرزه
وفيه كاسات حطييت طبقات ايسكريم وجالكسي الي زي الفلك مدري وش اسمه طبعا كسرته وغرزت فيهم بسكوت اخر شي

حلى القهوة:
---------------
المقادير:

4 ملعقة كبيرة فول سوداني
علبتان بسكوت شاي مطحونة
علبة حليب نستلة (حليب سائل)
نصف كوب سكر مطحون

- للتزيين:
سكر
قشطة

- خلطة الشوكولا :
علبه قشطه
فنجان قهوة سكر
2 ملعقة كاكاو


الطريقة:

- ضعي المقادير الأساسية معاً و اعجنيها جيداً ثم رصيها في صينيه .
- للتزيين :
- ضعي السكر في قدر على نار هادئه و حركي حتى يذوب .
- ارفعيه عن النار و اضيفي القشطة و حركي بسرعه ثم صبي الخليط على العجينة الموجودة في الصينية .
- ضعي الحلى في الثلاجة ليتماسك لمدة نصف ساعة .
- امزجي مكونات خلطة الشوكولا , ضعيها فى كيس و شكلي خطوط متعامدة كما الصورة .
- يمكن أن تزيني الحلى بالفول السوداني الغير مطحون عوضاً عن الشوكولا .
منقول من لك

واخيرا اي سؤال انا حاضرة
واكيد مستغربين ليش ماصورت السفرة كامله
لان بيوتنا هنا صغار انا اعطيه كل شي وهو يفرش في الصاله الي هم فيها مافيه مساحة الله لا يبلانا ويرجعنا لبيوتنا الي نضيع فيها


اللهم اني استودعتك نفسي وزوجي وبناتي واهلي
ماشاء الله تبارك الله

تسلم يدينك


طباخه من جد

الله يرجعكم بالسلامه

أعجبتني طريقة الكشنه بس ماأدري إذا تنفع أصلحها قبل بيوم والا لا؟
ربنا هب لنا من أزواجنا وذرياتنا قرة أعين واجعلنا للمتقين إماما
اللهم إني أسألك لذريتي صحبة الأخيار وتوكل الأطيار
اللهم ألف بين قلوبهم وبلغني فيهم غاية أملي ومناي بحولك وقوتك
اللهم أسعدني ببرهم في حياتي وأسعدني بدعواتهم بعد مماتي
هلا وغلا ام سارونه تسلمين ياقلبي
ايه ينفع تسوينها قبل بيوم
انا ماقررت اسويها الا بنفس اليوم ولا كان سويتها قبل
وتسلمين مره ثانيه عالمرور


اللهم اني استودعتك نفسي وزوجي وبناتي واهلي


الساعة الآن 04:52 .