صينية البطاطس المصرية( في اخت سالتني عليها)

احدي الاخوات ارسلت لي علي الخاص تطلب مني صينية البطاطس المصرية

عزيزتي هي سهلة جدا جدا وكل واحدة بتعملها بتختلف طريقتها عن الاخري بس علي العموم


****المقاديـــــــــــــــر :
بطاطس مقشرة ومقطعة حلقات متوسطة الحجم
من 2 الي 3 بصلات متوسطين مقطعين شرائح
فصين ثوم
عصير طماطم او رب بندورة مذوب في ماء او شوربة تكفي لتغطية البطاطس
مكعب ماجي +ملح وفلفل +زيت الزيتون
ممكن اضافة عودين كسبرة خضراء للطعم ممكن الاستغناء عنها
بهارات مشكلة( قليل من جوزة الطيب والهيل او الحبهان والبهارات والزعتر) ممكن الاستغناء عنهم

****للتجميــــــــــــل : شرائح طماطم +شرائح فلفل اخضر

***الطريقـــــــــــــــة:

تفرك شرائح البصل بالملح والفلفل جيدا ويضاف لهاالثوم المقطع شرائح و البطاطس(مع اضافة البهاراتلو حبيتي تحطيها)
توضع في صينية الفرن ويوضع عليها عودين الكسبرة الخضراء
تذوب الماجي فيقليل من الماء الساخن ثم تضاف لعصير الطماطم
يرش عصير الطماطم علي البطاطس في الصينية حتي يغمرها ويوضع ملعقتين زيت الزيتون فوق البطاطس ويجمل وجهة الصينية بشرائح الطماطم والفلفل الاخضر

توضع في فرن متوسط الحرارة لمدة ساعة ونصف تقرينا او حتي تنضج

ملحوظة بامكانك عملها بالفراخ او اللحم فقط ما عليكي الا انك تحطيهم مع البطاطس في الصينية
وبالهنا والشفا يارب اكون افدتك عزيزتي المطنوخة( علي فكرة اسمك غريب يعني اية معني الاسم دة )