عزيزاتي ترا كثرة البهار والخلطات وخرابيط الحريم العطارات الي يروجون لبضاعتهم
تفقد القهوة عظمتها ( الي هو الكيف) والقهوة وببساطة ما هي الا بن وهيل وزعفران.
لكن الاختلاف في نوعية البن والهيل وطريقة الطبخة البعض يقدم قهوته لما تشوفينها تقولين نسكافية
والبعض لما يقدم قهوته تقولين حليب الأولى حرقينها بالبن الغامق والمسمار والثانية مكثرين الحليب الي هو بدل الكوفي ميت .

لكن ببساطة ومثل ما قالت الأخت شوق القهوة لابد وان تطبخ ولو قلت اني اخلي قهوتي تطبخ ساعة الا ربع ما تصدقون والحمدلله قهوتي من الي يقعدن الروس وتطلب من الرجال طلب والله العظيم وذا مو مدح بس حقيقة وانا ما علقت الا من حبي للقهوة وهي صديقة عصريتي ومغربيتي ويقول قهوتن ما تبهرت بالهيل مثل عجوز خبيث نسمها هههههههههههههههههههههههههههههههههه

والهيل الي يخلي قهوتك يشمونها اهل العمارة مع ريحة العود لا لفاك ضيوف ما هو الا هيل جامبو
ويفض الهيل اما يطحن في وقته او يطحن منه قليل ويحفظ في علبة زجاجية ويوضع في الفريزر حتى ريحته ما تروح.

والي تبي تذوق قهوتي تطلبها طلب وانا ارسلها لعندها قهوتي قهوة دواسر وهذي القهوة يضربون فيها المثل من شدة لذتها وانا بذلك اشهد .
ومنكم نستفيد
السلام عليكم أهلين أختي
كيفك إن شاء الله بخير
عموماً هذي طريقة قهوتي وأنا معروفة بقهوة الكيف
أولاً/ تحطين موية وتحطين فوقها زعفران أصلي ( بالنسبة لطريقتي في الزعفران : إذا شريته أطحنه كله وأضعه في علبة هذي طريقة تجعل الزعفران يصبغ أكثر وفيها توفيييييييييير بس انتبهي حطي شوي لأنه راح يصبغ بسرعة يعني مقدار رأس ملعقة صغيرة )وبعدين خلي الموية تغلي على النار.
ثانياًُ/ إذا غلت الموية حطي قهوة (أفضل أنواع القهوة باشنفر درجة أولى بس ) وتكون محمصة وسط يعني إذا حمصتيه أنت لا تخلينها فاتحة مرة وتكون نصف استواء هذي طعمها شييييييييييييييين مرة وفيها نكهة غير مرغوبة وأيضاً لا تخلينها غامقة برضو طعمها ما راح يكون حلو عد خليها وسط أما إذا طلبتيها محمصة من المحامص أطلبي تحميص وسط وبعد ما تحطين القهوة هدي على النار مرة وخليها تطبخ ثلث إلى نصف ساعة علشان تكون قهوة كيييييييييييييف.
ثالثاً/ قبل ما تسكرين النار عليها بدقيقة تقريباً حطي عليها هيل ( أفضل أنواع الهيل ريحانة ملكي)طبعاً يكون مطحون, ثم سكري النار وخليها بدون تحريك.
رابعاً/ جيبي الترمس إللي بتحطين فيه القهوة وبعد مكا تغسلينة بموية حاااااارة حطي فيه ملعقة صغيرة كفي ميت(مبيض قهوة)وبعدين صبي القهوة في الترمس بوضع صفااااي صغير (يعني مشخل)
والهناءوالعافية وصدقيني ياأختي راح تدعين لي والكل يسألني عنها وصرت مشهورة فيها حتى إذا جاء دوري في القهوة في المدرسة أصلح ترمسين ومعاي معلمة ثانية تصلح قهوة وتخلص قهوتي وهي لا لدرجة إنها صارت تقول خلاص مابجيب قهوة , حتى الطالبات صاروا يعرفون اليوم إللي علي القهوة وصاروا يجون يطلبونها
وياليت إللي تجري طريقتي تبلغني ولا تنساني من الدعاء
أدري طولت لكن فاضية وحبيت أشرح بالتفصيل
وآآآآآآآآآآآآآآآآآآآآآآآسفة على الإطالة وشكراً
(( علو الهمة طريقنا للقمة ))
طبعا كنت مثلك أدور شيء يخليها حلوة زي الي اذوقها عند بعض الناس
وفي السوق دلتني وحدة على خلطة القصيم وهي عبارة عن علبة بيضاء وكتابتها زرقاء صراحة روعة تخلي القهوة تجنن
تلقينها عند أي عطار
فيه منها كتابة حمراء ماجربتها جربت الي كتابتها زرقاء
الحمد لله صرت مرتاحة وأسوي القهوة بكل فخر لضيوفي
طريقتي فيها/ أحط لكل ترمس قهوة [ثلاجة قهوة ]أحط نص ملعقة الشاي من الخلطة وأصب عليها القهوة في الترمس طبعا بعد ماتكون القهوة غلت بس بن لوحدة وأضيف الهيل أيضا في الثلاجة دون غلي
أتمنى تجربيها وتدعيلي بأن ييس اللله لي الخير في كل أموري
http://www.youtube.com/watch?v=ITLrViuJRng لايفوتك أجمل المقاطع التي تعين على الخشوع في الصلاة
مع مشاري الخراز كيف تتلذذ بالصلاة

اللهم صل على محمد عدد ماذكره الذاكرون وغفل عن ذكره الغافلون : اللهم صل على محمد ماأختلف الليل والنهار
ومنكم نستفيد


الساعة الآن 03:29 .